Otsailaren 28an, 5. eta 6.mailako ikasle eta irakasleak, goizean-goiz Bilbora abiatu ginen. Bertan, Bizkaiako Zubira igotzeko aukera izan genuen, gero metroz San Mameseraino joan ginen eta bertatik paseo bat emanez Guggenheim museora. Oporren bezpera egun itzela.
Otsailaren 28an, lehen zikloko ikasle eta irakasleak Donostian izan ginen. Eureka Zientzia Museoa bisitatu genuen eta bertan hainbat tailerretan parte hartu genuen:
1. mailako ikasleek LEGO Robotika I eta ANIMALIAK: BAZENEKIEN…?
eta 2. mailakoek berriz, PLANETARIUM Y LEGO Robotika I.
Bertan bazkaldu genuen eta gero, parke batera joan ginen, aire zabalean jolasteko. Primeran pasatu genuen!
Aurtengo ortzegun-gizenean, peña eta txarangen gibeletik, Inude eta Artzaiek herriko ohiturari jarraipena eman genion. Eskolako sukaldariek prestatutako bazkari goxoari, eta modu ezberdinetan parte hartu duzuen guztioi esker, energiaz beteta aritu ginen kantuan eta dantzan. Primeran pasa genuen. Gora Inauteriak!
Eskolan jaso dugu hezkidetzarekin lotutako liburu sorta bat. Liburu hauek eskolan gurekin izanen ditugu hilabete batez.
3-12 urte bitarteko materiala dago ikasleekin lantzeko baita irakasleentzat liburu interesgarriak.
Pasa den ostiralean, urtarrilak 24, Iruñera joan ginen 3.zikloko ikasle eta irakasleak.
Lehenik proiektuarekin lotutarko ekintza ezberdinak egin genituen mailaka.
5.mailakoak Paris365era joan ginen, boluntarioen bidez haurtzaroan gizarte bazterkeriako egoerak prebenitzearen alde lan egiten duen irabazirik gabeko erakundea ezagutzera, eta 6.mailakoek berriz, Xaloa telebistako Berriozarreko estudioa bisitatzeko aukera izan genuen.
Jarraian, Saltingera joan ginen denok batera. Bertan bazkaldu eta pozez saltoka Berara itzuli ginen.