EMOZIO HEZKUNTZA ETA BALOREAK

EMOZIO HEZKUNTZA ETA BALOREAK

Hezkuntzaren zati garrantzitsua da garapen emozionala eta horregatik, eskolan, oso kontuan hartzen dugu. Lan talde finko bat aritzen da emozioen arloa jorratzen eta planifikatzen; dinamizatze lanak egiten dituena. Gure ikasleen garapenean emozioak eta sentimenduak ezagutzea eta kontrolatzea, norbere buruaren jabe izaten ikastea, norbere buruarekin gustura sentitzea,… emozio hezkuntzak, alegia, zati handi-handi bat betetzen du. Eskolak, ahal duen neurrian, heziketaren arlo honetan ere lagundu nahiko luke. Eskolak pertsona bere osotasunean kontenplatu nahi du. Badago bizikidetza batzordea ere. Batzorde honek elkarbizitzaren egoera behatuko du eta sortzen diren arazoei aurre egiteko ardura izanen du. Jarrera egokiak eta harreman zuzenak eta adeitsuak sustatuko dira eskolan eta klaustro osoa lan horretan inplikatuko da.

Batzarrak:  Ikasturtean zehar, Lehen Hezkuntzako ikasle guztien arteko Batzarra izaten dugu. Bertan, bertzeak bertze, honako helburu hauek lortzen dira; ikasleen kezkak, kexak eta iradokizunak azaltzea, entzuten ikastea, talde handi baten aitzinean hitz egiten ikastea, bertzeen iritziak errespetatzea,… 6. mailako ikasleak arduratzen dira hagitz aktibitate aberasgarria eta hezgarria den hau kudatzeaz.

Comments are closed.