Browsed by
Kategoria: Sarrerakoak

LIZUNIAGATIK LIZAIETARA

LIZUNIAGATIK LIZAIETARA

Martxoaren 26an, ortzirala, hirugarren mailako ikasleak eta irakasleak mendi irteera bat egin genuen.
Autobusez Lizuniagara igo ginen eta bertatik Lizaietaraino joan ginen oinez. Bertan hamaiketakoa egin genuen. Paraje eder horietan jolasten egon ondotik Lizuniagara bueltatu ginen autobusa hartzera eskolara itzultzeko. Primeran pasa genuen!

GOXO – GOXO

GOXO – GOXO

Aurten eskolako 40. urteurrena denez, 1.maila A-ko taldea, urte berezi hau ospatzen hasi gara jada, eta jantokiko Belen eta Leirerekin lantxo bat egin dugu. Laster Xiri Miri aldizkarian ikusteko aukera izango duzue. Hementxe duzue aurrerapen bat. Zuen gustukoa izango delakoan gaude.

40. URTEURRENA

40. URTEURRENA

Dakizuenez, Ricardo Baroja eskola duela 40 urte ireki zen; 1980. urtean. Nolakoa zen orduko eskola? Nolakoak ziren klaseak, irakasleak, orduko “teknologia berriak”, etxeko lanak… Horri guztiari buruz, baita askoz gauza gehiagori buruz ere, galdetu zieten 5. mailako ikasleek duela 40 urte eskolan egon ziren 4 gurasori.

Hortaz gain, bigarren solairuko pasabidean duela 40 urteko “teknologia berriak” nolakoa ziren ikasteko erakusketatxo bat jarri dugu.

GELA ALTERNATIBOKO IKASLEAK ORDOKI ZALDITEGIAN

GELA ALTERNATIBOKO IKASLEAK ORDOKI ZALDITEGIAN

Aurten Gela Alternatiboko ikasleak lehenbiziko aldiz Arizkungo Ordoki Zalditegira joaten hasi gara, astean behin, astelehen goizetan. Hamar astez joango gara, bertako zaldietan ibiltzera. Jadanik zenbait saiotan egon gara, eta esperientzia positiboa izaten ari da benetan. Iritsi eta berehala “Rubio”, “Morkots” eta “Arin” zaldiak orraztu eta prestatzen laguntzen dugu, eta ondoren gainera igo eta haien gainean ibiltzen gara, bi txandatan: gosaldu aurretik behin, eta gosaldu ondotik bertze behin. Jarduera honen bidez helburu desberinak lantzea bilatzen dugu, bai giza-trebetasunen arloarekin zerikusia dutenak, bai hizkuntza eta komunikazioaren arloarekin eta baita arlo kognitibo eta psikologikoarekin. Eta nola ez, ongi pasatzea ere bertze helburuetako bat da, eta hori lortzen ari garen lekuko dira ondorengo loturan ikusiko dituzuen argazkiak.

IKUSI