Browsed by
Category: Sarrerakoak

KANPALDIA HONDARRIBIN

KANPALDIA HONDARRIBIN

Ikasturtea amaitzear da eta 5. eta 6.mailako ikasle zein irakasleak, bizikletaren konpanian, Hondarribian egon ginen. Itsasargiko kanpina izan zen gure gotorlekua, kokapen estrategikoa; ederra. Bertatik aibatuta hainbat ekintza egin genituen:  

Jaizkibel mendiaren itsasertzetik, Fraideen hondartza eta Errotako kalara oinez joan ginen. Bertan, lagun artean egon, bainatu edota arrantzan aritu ginen, militarrak maniobrak egiten ere ikusi genituen. 

Hondarribiko hondartzan ere gustora egon ginen, bainatzen, hainbat jokutan jolasten… baina gehien gustatu zitzaigun ekintza, “Stand Up Paddle” egitea izan zen, orokorrean asko gustatu zitzaigun. 

Eguraldia lagun, kanpaldi polita pasa genuen.

Gurasoei, modu batean edo bestean lagundu gaituzuenoi, esker aunitz!

IKUSI

KANPALDIA

KANPALDIA

Bigarren zikloko ikasle eta irakasleok hiru egun igaro ditugu Orion, maiatzaren 24tik 26ra. Egun horietan jarduera ugari egin ditugu (ibilaldiak, jolasak, Orioko herritik bisita, hondartza…). Inguruaz eta elkarrekin egoteaz aunitz gozatu dugu.

IKUSI

XAKE MATE

XAKE MATE

Azken bi hilabetetan Xake Txapelketa egiten ari gara 3., 4., 5. eta 6. mailako ikasleak.

Maiatzaren 9an, Luis Etxepare etorri zitzaigun, bost partida batera nola jokatzen diren erakustera. Ikusten duzuenez, ikasle aunitz hurbildu ziren partidak ikustera.

Mila esker Luis.

IKUSI

ARRATE EGAÑA

ARRATE EGAÑA

Ikasturte honetan zehar, LH 5.mailako ikasleek “Hizkuntza Sekretua” liburua irakurri dugu. Horregatik, pasa den ostiralean, maiatzaren 12, Arrate Egaña idazlearen bisita izan genuen. Hasieran, Arratek liburuari buruzko hainbat galdera egin zizkigun eta ondoren gure txanda izan zen. Bestalde, idatzi dituen beste zenbait liburu ere erakutsi zizkigun, tartean, Braille hizkuntzan idatzitakoa, ohikoa baino dezente handiagoa eta itxuraz hitzik gabekoa. Joan baino lehen berak idatzitako bi liburu oparitu zizkigun. Oso gustura egon ginen.

LIBURUAREN EGUNA

LIBURUAREN EGUNA

Aurtengo liburu eguna apirilaren 23an ospatu bazen ere, guk maiatzaren 3rako utzi genuen ospakizuna. 

Goizean goiz, ikasle zaharrenek ikasle gazteenei ipuinak kontatzen aritu eta gero, orri-markatzaileak egiten aritu ginen. Ondoren, Kultur Etxean eskolako hainbat irakaslek prestatutako antzerki bat  ikusi genuen. Goiz polita pasa genuen.

IKUSI