5. eta 6. mailako ikasleak Iruñera joan gara elkarrekin. Bertan gure proiektuekin loturik dauden ekintza ezberdinak egin ditugu.
5.mailako ikasleak, Paris365 proiektua ezagutzera joan gara. Bertan boluntario gisa aritzen diren pertsonak Iruñean baliabide gutxi dituztenak laguntzen aritzen dira.
6.mailako ikasleek berriz, planetariuma bisitatu dugu.
Autobus geltokian elkartu eta Saltingen bukatu dugu.
Ederki pasa dugu.
Joan den azaroaren 23an 2. zikloko ikasle-irakasleak Zestoara joan ginen. Bertan, Ekainberri museoa ezagutu genuen. Historiaurrea gaia lantzen ari gara gelan, eta hori aitzakiatzat hartuta, bertako kobazuloaren erreplika ikusi genuen. Horrez gain, garai hartan sua nola egiten zuten ikasteko tailer bat egin genuen. Museoko bisita bukatu ondoren, herriko plazan bazkaldu genuen eta jolastu ginen. Egun ederra pasatu genuen!
Lehen Hezkuntzako 3.zikloko ikasleak, azaroaren 23an ospatzen den, Lesakako Ferian egon ginen. Hotza egiten bazuen ere, oinez joan etorria egin genuenez, ederki berotu ginen. Lesakako karriketan ere jende eta lagun artean ez genuen hotzik pasa, hori jendetza… Primeran pasa genuen.
Emakumeen kontrako indarkeriari gure gaitzespena adierazteko, adinaren araberako lanketa ezberdinak egin ditugu norberaren gelan. Guztiok egin dugun ariketa bat baina, harri bana apaintzea izan da.
Harri horiekin osatutako ikurraren inguruan, talde argazkia atera dugu eta ondoren gure harriak eskolan kontzeko, gure “basoaren” ertz batean kokatu dituzte. Ea fruiturik ematen duten… Gutako batzuk nola egiten zuten ikusi dugu, helduak lan egiten ikustea ere atsegin baitugu. Oso polita geratu zaigula iruditzen zaigu. Ideia bikaina.
Antzinatik datorren ohitura berreskuratuz, gaurkoan Gau Beltza eguna ospatu dugu eskolan. 4.mailako ikasleok, Gau Beltza gaia izeneko proiektua landu dugu azken hilabete hauetan, eta proiektuari amaiera emateko, eskolako ganbaran zenbait jarduera antolatu ditugu. Horretarako trapu zaharrak erabiliz mozorrotu gara, eta jolas garaian, hamaiketako moduan, gaztainak jateko aukera ere izan dugu.
Egun atsegina pasa dugu, eta hagitz gustura aritu gara.