Browsed by
Category: 2018/19

IRRISARRI LAND

IRRISARRI LAND

Irrisarri Land-en egin dugu aurtengo kanpaldia eskolako Gela Alternatibokoek Institutuko EBO gelakoekin batera, aurten maiatzaren 20 eta 22 artean. Bertako jolastokian pila bat jolastu genuen, zalditegia erakutsi ziguten, trenean ibili ginen, Zentzumenen Ibilbidea egin genuen, eta “disc-golf”ean ere aritu ginen. Eguraldiarekin ere zortea izan genuen eta inguruan paseotxoak egiteko ere probextu genuen.

ARGAZKIAK

BISITARI ESKOLAN

BISITARI ESKOLAN

Eskolako 5. mailako ikasleak hilean behin Berako Zahar Etxera joaten gara. Oraingo honetan gurpildun aulkian hartu eta eskolaraino ekarri genituen. Bertan gosari goxo-goxoa prestatu zieten gure sukaldariek.

ARGAZKIAK

BARATZEAN

BARATZEAN

Pasa den maiatzaren 3an eskolako baratzean letxugak landatzen aritu ginen. Lehenik lurra ureztatu genuen, lehorra zegoelako, ondoren zuloa egin eta azkenik letxugak landatu genituen. Binakako elkarlanean primeran moldatu ginen eta oso gustura aritu ginen.
Maiatzaren 6an berriz, eskolako sukaldeko sarreran beste hainbat letxuga landatu genituen, hauek lur eremu txikitxo batean eta loreontzietan sartuz.
Letxugak aitzinera ateraz gero, uzta bildu eta etxean dastatzeko aukera izango dugu, baina lasai! zuek ere jantokian dastatzeko aukera izango baituzue.
Eskerrak eman nahi dizkiogu: Jose Maderari baratza prest uzteagatik, Belen sukaldari apartari letxugak eta lurra eskolara ekartzeagatik eta Xulufraia fundazioari ekintza babesteagatik.

ARGAZKIAK

LEGASAN KANPALDIA

LEGASAN KANPALDIA

Haur Hezkuntzako 4 eta 5 urteko ikasleak, maiatzaren 2 eta 3an Legasako Kattallin aterpetxera gau bat pasatzera joan ginen. Bertiz Abenturan tirolinan eta zuhaitzetatik ibili ginen, parkean jolastu genuen eta frontoian puzgarri batetan ibili eta herri kirolak egin genituen. Euria ari zuenez ezin izan ginen Bertizeko Natur Parkera joan baina hala eta guztiz ere ederki pasatu genuen. Gauean diskofesta izan genuen…

Begira zeinen ongi ibili ginen!!!!

ARGAZKIAK

ARANTZARA OINEZ

ARANTZARA OINEZ

Apirilaren 16an eskolako 3. zikloko ikasle eta irakasleak mendira joan ginen. Gure asmoa Arantzara oinez joatea zen: Bera-Lesaka Otxangotik, Lesaka-Igantzi Piedadeko gainatik, eta Igantzi-Arantza San Juan Xarretik.

Ez genuen gure helburua bete. Beranduegi egin zitzaigun Arantzaraino iristeko eta San Juan Xarren geratzea erabaki genuen. Ez genuen pena handirik hartu, horrela aukera izan genuen lasai-lasai bazkaltzeko eta erreka inguruan jolasteko. Hankak busti genituen (batzuk), txorroetatik edan genuen, santuari bisita egin genion,…

Egun ederra izan zen. Eguraldi bikaina egin zuen eta asko disfrutatu genuen.

ARGAZKIAK