Dakizuen bezala ikasturte osoan zehar San jose zahar etxean izan gara bitan 5.mailako ikasle eta irakasleak. Pasa den ekainaren 6an aurtengo azken bisita egin genuen eta bidenabar bigarren mailako ikasleek egindako lorategi berexia eraman genien opari, elkarrekin pasatako momentu ahaztezinen oroigarri…
LH 2. mailako ikasleak natur zientzietako azken gaiarekin ari gara: makina sinpleak eta makina konposatuak.
Makina sinpleak Kaule-Baita baserrian ikusi ditugu. Jabi eta Arantxa Portuk ardiei goraizeekin ilea mozten erakutsi digute eta Xabat, bertan bizi den ikasleak, sardearen erabilera azaldu digu bere behiei ohea egiteko iratze idorra paratzen zien bitartean.
Xabier Urrozek makina konposatuak erakutsi dizkigu. Robotika azaldu digu.
3D ko inprimagailu bat eta berak sortutako Robot batzuk ekarri dizkigu.
Milesker guraso guztiei!!
Pasa den asteko asteazkenetik ostiralera, maiatzaren 29tik 31ra, 2. zikloko ikasle eta irakasleak Hondarribiara bizikletaz joan ginen. Eguraldi bikainak hondartzaz gozatzeko eta itsasontzian itsaso zabalera ateratzeko aukera eskaini zigun. Elkarrekin 3 egun pasa ondoren, ostiralean bizikletaz itzuli ginen. Primeran pasa genuen!
Urtero bezala, ikasturte honetan ere, Mugaz Gain antzerki topaketa ospatu da. Gure ikastetxetik hiru antzezlan prestatu eta eskaini ditugu: 2. maila A taldeak (Arantxa Mitxelenarekin), 4. mailak (Maria Agirre eta Gorka Rodriguezekin) eta 6. mailak (Maite Blancorekin). Eskolako gainerako ikasle eta irakasleek ikusle moduan parte hartu dugu eta primeran pasa dugu. Mila esker egindako lan guztiagatik!
Maiatzaren 14tik 17ra 3.zikloko ikasle eta irakasleak Zuhatza irlako aterpetxean egon ginen. Hemen duzue argazki sorta bertan bizi izan genuena imajina dezazuen.
Lehenengo egunean, Zuhatzara joan baino lehen, Añanako Gatz Arana bisitatu genuen. Bertan, gida batek hango historia azaldu zigun ibilbide bat egiten genuen bitartean. Ondoren gatza nola biltzen zuten praktikatuz ikasteko aukera izan genuen.
Bazkal ondoren itsasontzia gure bila etorri zen irlara joateko.
Hurrengo hiru egunetan ur-kirolak praktikatzeko aukera izan genuen eta bitartean kanpaleku zoragarria konpainia onean gozatu genuen.