Ricardo Baroja Eskola

Zer gertatzen da fiordotako gerlari eta poetak gure geletara ailegatzen direnean? 3. mailako ikasleok benetako eskaldu bihurtu gara —antzinako bikingoen kondairen zaindari—, denborak ahaztutako saga bati bizia emateko.

Hervörren kondaira zirraragarria berpiztu dugu: arbasoen mamuei aurre egin eta Tyrfing ezpata magikoa berreskuratu zuen emakume gerlari beldurgabearen istorioa.

Bain horretaz gain, bikingo bihurtzean, galdera garrantzitsu bat egin diogu gure buruari: Zertarako erabiliko genuke guk bikingoen indarra?

Joan den larunbatean, hilaren 28an, Lesakan Giltzarri abesbatzak antolatutako Haur kantarien topaketa izan zen. Bertan gure eskolako Lehen Hezkuntzako 2.mailako hainbat ikaslek parte hartu zuten. Martxoko beste bi larunbatetan ere Bortzirietako zenbait ikastetxetako ikasleak ere elkartu ziren topaketa prestatzeko.

Goiza zoragarria izan zen!

Bigarren hiruhilekoan itsasoaren mundu zoragarria ikertzen aritu gara 4. mailakoak. Hainbat arlotan ikasitako guztia borobiltzeko, erronka polit bati egin diogu aurre: irratiko esatari eta kazetari bihurtu gara!

Proiektu honetan egindako lan bikaina irratsaio indartsu eta dibertigarri batean bildu dugu. Itsasoko sekretuak, albisteak eta ezusteko ugari aurkituko dituzue bertan.

Egin klik, jarri kaskoak eta gozatu gure 4. mailako esatarien ahotsaz!

Lehen zikloko ikasleek Euskal Idazleen Elkarteak antolatutako “Liburuak gozagarri” programan parte hartu dute. Hala, martxoaren 25ean, asteazkenean, Jokin Mitxelena ilustratzailearen bisita jaso genuen, nola lan egiten duen erakusteko eta ikasleek irakurri duten azken liburuetako bat komentatzeko. Oso jarduera interesgarria eta irakasgarria izan da.