Irailaren 21ean, Ricardo Baroja eskolako Lehen Hezkuntzako ikasle guztiak, Donostiako Zinemaldira joan ginen. “Paddington 2” abenturazko pelikula ikusi genuen eta asko gustatu zitzaigun. Ondoren, autobusa hartu eta hondartzara joan ginen. Hondartzan, arean jolastu eta bainatu ginen, olatu handiak zeuden. Primeran pasa genuen.
Maiatzaren 23, 24 eta 25an Lizarran egon gara, Iratxe kanpinean. Eguraldiak gehiegi lagundu ez badigu ere, antolaturik genituen ekintza guztiak egin ditugu. Piraguan ibili gara, eskalada egin dugu eta kanpineko igerilekuan ere ibili gara.
Primeran pasa dugu.
Martxoaren 27an Zumaia bisitatu genuen. Eguzkiak gehiegi lagundu ez bazuen ere primeran pasa genuen. Bertako gidari baten azalpenei esker Flyschak ezagutu genituen. Itsasora ateratzeko aukerarik izan ez bagenuen ere, Urola ibaian zehar itsasontzian bueltatxo bat eman ahal izan genuen. Bestalde, arrantzaleen kofradia ere ezagutu genuen. Azkenik, parke batean bazkaldu eta jolastu genuen.
Azpiko loturan Ortzegun Gizen egunean egindako argazkiak aurkituko dituzue (argazki batzuk “erran.eus”-etik hartuak daude).
Pasa den urtarrilaren 29, 30 eta 31an bide heziketako saioak izan genituen eskolan foruzainen eskutik. Klase teorikoak eskolan entzun ondotik, Eztegara pilotalekuan prestatutako zirkuitoan bizikletekin ibiltzeko aukera izan genuen. Herritik ere ibilbidetxoa eginez, oinezkoak bezala nola jokatu behar dugun erakutsi ziguten.