Urtero legez urriko laugarren igandean Lurraren Eguna ospatu genuen. Eskolan egindako eskulanak eta etxetik ekarritako produktuen salmentari esker, aurtengo kanpaldia ere merkexeago aterako zaigu. Laguntzera etorri ziren guraso guztiei baita sukaldeko langileei ere, esker aunitz eskainitako laguntzagatik. Eskerrak eguraldia ere lagun izan genuela. Hagitz esperientzia polita bizi genuen.
Aurtengo ikasturtean 3.zikloko ikasleek zinema proiektutxo bat egiten ari gara. Hori dela eta, Ekaitz Bertiz zinemagile sunbildarraren bisita izan genuen. Berak sortutako laburmetraien inguruan solastu zen; laburmetraiak egiteko kontuan hartu behar diren hainbat gauza azaldu zizkigun. Gure galderak ere ederki erantzun zizkigun. Oso jatorra iruditu zitzaigun eta oso gustura egon ginen.
Urriaren 11ean, 5. eta 6.mailako ikasle eta irakasleak, bizikletaz Hendaiako Beltzenia parkera joan ginen Bidasoako trenbide zaharretik. Bidean zuhaitz askoren azpitik eta pare baten gainetik ere pasa ginen. Hendaian jolastu eta bazkaldu ondoren Berara bueltatu ginen. Eskerrak Alvaro Napali eskainitako laguntzagatik. Eguraldia lagun, ederki pasa genuen.
Donostiako Zinemaldira joan gara aurtengoan ere; 2. eta 3.zikloko ikasleak. “Alan, giza antena” filmea ikusi genuen Donostiako Belodromoan. Bukatutakoan, topoa hartu eta Benta Berriko frontoira joan ginen. Bertan jolasten aritu eta bazkaldu ondoren Berara itzuli ginen. Ederki pasa genuen.
Ikusi bideoak.