Bi urtez joan gabe egon eta gero, ohitura zaharrari heldu genion berriro ere. Pasa den ostegunean, irailaren 22an Lizuniagara igo ginen eskolako ikasle eta irakasle guztiak. Eskerrak bidea ahaztu ez dugun… Ederki pasa genuen bai bidean baita Lizuniagan bertan ere.
Aurten ere Donostiako Zinemaldiarekin dugun hitzorduari kale egin gabe, Terra Willy: Planeta ezezaguna filmea ikusi genuen, 2. eta 3.zikloko ikasle eta irakasleak.
Ondoren, Ondarretako hondartzara joan ginen. Batzuk garraio publikoa erabiliz eta beste batzuk berriz oinez. Primeran pasa genuen, eguraldia lagun.
Udako oporraldia atzean geratu dela eta ikasturte berriari heltzeko garaia iritsi da. Itzulera arinagoa egiteko asmoz eta eskolako kantaren konpainian, ongi etorri xume eta erakargarriagoa prestatu genuen. ONGI ETORRI 2022-2023 IKASTURTERA.
2021-2022 ikasturtea ongi bukatzeko, eskola osoa Afrikaraino joan ginen. Abentura zirraragarriak bizi eta dantzan aritu ginen. Primeran pasa genuen.
6. mailako ikasleei, gurekin hainbeste urte egon ondoren, merezitako agurra eskaini genien.