Aurtengo liburu eguna apirilaren 23an ospatu bazen ere, guk maiatzaren 3rako utzi genuen ospakizuna.
Goizean goiz, ikasle zaharrenek ikasle gazteenei ipuinak kontatzen aritu eta gero, orri-markatzaileak egiten aritu ginen. Ondoren, Kultur Etxean eskolako hainbat irakaslek prestatutako antzerki bat ikusi genuen. Goiz polita pasa genuen.
Azken hilabeteetan 3. zikloko ikasleak hainbat aldiz Zahar Etxera joan izan gara bertan bizi direnen bizimodua ezagutzera. Oso hartu eman polita sortu da haur eta zaharren artean. Azkeneko asteetan, gainera, eskolara hamaiketakoa hartzera ere gonbidatu ditugu.
Bigarren hiruhilekoan hasi ta hirugarren honetan bukaera emanen diogu eskolako 3. mailatik 6. mailara antolatutako Xake Txapelketari. Antolatzaileak 6. mailako hainbat ikasle izan dira. Asteazkenero eskolako liburutegian elkartu dira jokalariak baina hemendik aitzinera, azken fasea jokatzeko, eskolako patioan arituko dira. Eskerrik asko antolatzaileei eta parte hartzeleei.
Martxoaren 21ean, 6. mailako ikasleak Lesakara joan ginen bizikletaz. Bertako igerilekuan igeriketa artistikoa ta ur-poloa praktikatzeko aukera izan genuen.
Martxoaren 8aren harira, gure eskolak bat egin du Emakumearen Nazioarteko Egunarekin. Ekintza desberdinak burutu ditugu, besteen artean, eta sinbolikoak diren betaurreko moreak janztearekin batera, eskolako patioan, begi morez osatutako puntu morea sortu dugu.
