Pasa den asteazkenean, martxoak 1, hirugarren zikloko ikasle eta irakasleak haritzak landatzera joan ginen, Idoiako lepo ingurura. Ekintza hau Berako udalak, Rural Kutxarekin batera, antolatu zuen. Aurreko egunean, Mikel Leizak naturarekiko errespetuari buruzko saio teorikoa eskaini zigun.
Eguraldia lagun, aktibitatea arrakasta handiz burutu genuen.
Otsailaren 17an, 5. eta 6.mailako ikasle eta irakasleak autobusez Iruñea aldera joan ginen. Goizean Rokopolisen eskalatzen aritu ondoren, arratsaldean Salting Iruñara joan ginen. Ederki pasa genuen, bai ikasle zein irakasleek ere.
Ohitura zaharrei jarraiki, aurten ere Ortzegun Gizen egunean eta goxo bazkaldu ondoren, herrian zehar dantzan eta kantuan aritu ginen. Eskolako pinguino txikiak lehenengo, Inude eta Artzaiak ondoren. Ederki pasa genuen.
2022 urtea agurtzeko, astoaren arrimuan etorri ziren, Mari Domingi eta Olentzeroren bisita izan genuen. Ongi etorria emateko elkarrekin gabon kantak kantatu genizkien. Ondoren, Olentzero eta Mari Domingik gelarako opariak banatu zizkiguten eta zenbait ikaslek etxerako oparien eskaera egiteko eskutitzak eman zizkieten.
Gero, 3.zikloko ikasleek zozketa egin zuten, baita irabazleei telefonoz deitu ere.
Eguna bukatzeko eta ohiko moduan, jantokiko langileek txistorra pintxo goxoak eskaini zizkiguten.
Ederki pasa genuen eguna.
3.mailako ikasleek erakusketa bat antolatu dugu eskolan. Berako txokoak ezagutzeko egindako proiektuari bukaera emanez horrela. Erakusketa honetarako maketak sortu ditugu, aurretik ezagutu eta landu ditugun txoko interesgarri horiek irudikatuz. Erakusketa pasabidean ezarri dugu eta eskolako ikastalde guztiak gonbidatu ditugu ikustera. Oso gustora aritu gara lanean eta maketa ederrak eraiki ditugu.
Hona hemen gure erakusketaren argazki batzuk.