ARGAZKIAK – 8 orrialdea – Ricardo Baroja Eskola

3. MAILAKOEN AZKEN HIRUHILABETEKO PROIEKTUA

2023-06-14 Administratzailea

LH3n azken hiruhilabete honetan substantzia arriskutsuen inguruan ikasten aritu gara. Horiek gure etxeetan eta beste edonon egon daitezkela ikusi dugu eta beraiekin kontuz ibili behar dugula.

Honen harira, Berako suhiltzaileengana hurbildu ginen eta eman zizkiguten azalpenak gustura entzun genituen.

DYAkoak ere eskolara etorri ziren eta hainbat gauza interesgarri erran eta erakutsi zizkiguten.

Proiektuari bukaera emateko, Bortzirietako Garbigunean etxeetan, denok, sortzen dugun zaborra eta erabiltzen ditugun substantzia arriskutsu horien hondakinak nola birziklatu behar ditugun ikasi genuen.

Proiektua oso interesgarria izan da pertsonak eta ingurugiroa zaintzea oso garrantzitsua dela ikasteko.

IKUSI

KONTZERTU PEDAGOGIKOA

2023-06-14 Administratzailea

Pasa den ekainaren 7an, musika eskolako ikasle eta irakasleek, Kultur Etxean, eskainitako kontzertu pedagogikoa ikusi genuen. Bertan eskolako 6.mailako ikasleek zirkuarekin loturiko ikuskizuna ere eskaini ziguten. Hagitz gustora egon ginen.

IKUSI

KANPALDIA HONDARRIBIN

2023-06-07 Administratzailea

Ikasturtea amaitzear da eta 5. eta 6.mailako ikasle zein irakasleak, bizikletaren konpanian, Hondarribian egon ginen. Itsasargiko kanpina izan zen gure gotorlekua, kokapen estrategikoa; ederra. Bertatik aibatuta hainbat ekintza egin genituen:

Jaizkibel mendiaren itsasertzetik, Fraideen hondartza eta Errotako kalara oinez joan ginen. Bertan, lagun artean egon, bainatu edota arrantzan aritu ginen, militarrak maniobrak egiten ere ikusi genituen.

Hondarribiko hondartzan ere gustora egon ginen, bainatzen, hainbat jokutan jolasten… baina gehien gustatu zitzaigun ekintza, “Stand Up Paddle” egitea izan zen, orokorrean asko gustatu zitzaigun.

Eguraldia lagun, kanpaldi polita pasa genuen.

Gurasoei, modu batean edo bestean lagundu gaituzuenoi, esker aunitz!

IKUSI