Haur Hezkuntzako 4 eta 5 urteko ikasleak, maiatzaren 10 eta 11n Irrisarri Land-era gau bat pasatzera joan ginen. Bi egun horietan ekintza ugari egin genituen: Baxiren eskulanak, zentzumenen ibilbidea, mitologiako ibilbidea, parketik trenean ibili ginen, bertako jolastokian jolasean aritu ginen eta gauean diskofesta izan genuen…
Apirilaren 23an Liburuaren Nazioarteko Eguna ospatzen da. Eskolan apirilaren 25ean ospatu genuen. Jolasgaraia aurretik, Dani Martirena eta Amaia Elizagoien ipuin kontalariak izan genituen entzun eta ikusgai, eta baita 1. eta 6. mailako ikasleek prestatutako antzerkitxoak ikusteko aukera izan genuen. Jolasgariaren ondotik, Haur Hezkuntzakoek orriak markatzekoak egin zituzten, LHko 1. ziklokoek mural haundi batean beraiek asmatutako ipuin bat irudikatu zuten, eta 2. eta 3. ziklokoak jolasean ibili ziren, liburu desberdinen izenburuak asmatzen.
5. eta 6. mailako ikasleak bost egunez Izaban eta Larra-Belaguako eremuan ibili gara. Goizero eskiatzen aritu gara eta arratsaldez hainbat aktibitatetan parte hartu dugu: zinema-antzeztua, igerilekua, koreografia, herri-kirolak, jaialdia. Primeran pasatu dugu, bertzeak bertze, eguraldi bikaina izan dugulako.
Martxoaren 27an Zumaia bisitatu genuen. Eguzkiak gehiegi lagundu ez bazuen ere primeran pasa genuen. Bertako gidari baten azalpenei esker Flyschak ezagutu genituen. Itsasora ateratzeko aukerarik izan ez bagenuen ere, Urola ibaian zehar itsasontzian bueltatxo bat eman ahal izan genuen. Bestalde, arrantzaleen kofradia ere ezagutu genuen. Azkenik, parke batean bazkaldu eta jolastu genuen.
Martxoaren 8an gure eskolak bat egin zuen Emakumearen Nazioarteko Egunarekin.