LH 2. ZIKLOKO ATARIA
Comments are closed.
IZOKINAREN ARRASTOAN
Azaroaren 26ean, Bidasoa ibai ondoan dagoen “Diskoa” izeneko etxetxora joan ginen. Bertan, gure inguruan harat-honatean ibiltzen diren izokinen kontaketa, pisaketa, neurketa, … lanak egiten dituzte. Alejo bertako langilea da eta deitailez beterik kontatu digu nola egiten duten bertan lan, baita izokinaren bizitzaren zenbait datu hagitz interesgarri kontatu ere! Eskerrik asko Alejo!
Comments are closed.
BERDINTASUNARI KANTA ETA KONTA
Azaroaren 5ean Haizea Loira izan genuen eskolan, eta Berdintasunari kanta eta konta programaren barrenean, LH4ko ikasleoi “Arroxa eta leuna” ipuina kontatu zigun; ipuina eta errealitateari buruz hausnarketa egin genuen, eta bukatzeko, kanta bat sortu genuen. Hagitz gustura egon ginen.
Comments are closed.
IRATZE METAK
Urriaren 17an, 2. zikloko ikasleak Ibardinen egon gara. Bertan, iparraldeko zein hegoaldeko eskola eta ikastolako ikasleak elkartu gara eta iratze-meten inguruko tailerrak egin ditugu. Eguraldi ederra eta giro hagitz polita. Egun polita pasatu dugu. Gainera, itzuleran, gaztainak biltzeko ere probestu dugu, Gau Beltza azkar dator eta zerbait daukagu eskuartean…
Comments are closed.
GAU BELTZA
Trapu zaharrak ateri,
itzalitako kalabazak pixtu,
gure beldurrak partekatu,
ganbarako istorioak kontatu,
“Marauxa, Marauxa!” kantatu,
beldurrak sutan erre,
gaztainekin barrenak berotu.
Comments are closed.
LURRAREN EGUNA
Aurtengo Lurraren Eguna Kattonberrin ospatu dugu, ohiko moduan, urriko laugarren igandean.
Eskolan egindako eskulanak eta etxetik ekarritako produktuen salmentari esker, aurtengo kanpaldia ere merkexeago aterako zaigu. Egunean zehar laguntzera etorri ziren guraso eta irakasle guztiei, baita sukaldeko langileei ere, esker aunitz!
Comments are closed.
IZOKINAK
Izokinaren inguruko proiektuarekin lanean ari garela eta, Mugaiereko arrain-haztegia eta Berako Nasa bisitatu genituen. Izokinen inguruko informazio aunitz eman ziguten. Oso gustura egon ginen eta gauza aunitz gehiago ikasi genituen.
Comments are closed.
NILSA TAILERRA
Urriaren 13an, NILSAkoek gure inguruko erreka eta ibaien osasuna aztertzen lagundu ziguten. Izokinaren proiektuarekin ari garen honetan, garrantzi handia hartzen du gure inguruko uraren osasunak, izokinek leku hauek maitatu eta bertara itzultzeko.
Horrela ba, Zia errekaren oxigeno maila, pixaren eta xaboiaren kutsadura mailak aztertu genituen. Aunitz ikasi genuen eta garrantzitsuena, inguruko erreka dagoen bezain osasuntsu mantentzen ahaleginduko gara!!
Comments are closed.
IZOKINEN MASTERCHEF
Izokien proiektuarekin bueltaka gabiltza eta udalak Lurraren Egunean postu batean salmentan jartzeko pintxo errezeta bat eskatu zigun. Hori dela eta, gure gelatik aterako zen errezeta proposamena Masterchef lehiaketa bidez erabakitzea adostu genuen. Noski, denek izokina izatea behar beharrezkoa izan da. Zeinen ongi pasatu genuen! Ikusi ikusi gure gelako sukaldari eta epaile finak!
Comments are closed.
LIZUNIAGARA
Aurtengoan ere, eskolako ikasle eta irakasleek, egin dugu Lizuniagarako igoera. Goizeko behe laino eta freskura utzi eta pasiatzeko eguraldi ederra izan dugu, gure landa-ingurune zoragarriaz gozatzeko aukera izanik. Alkebereko etxekoei eskerrak gazta goxoa eskaintzeagatik.
Comments are closed.
HASI DA IKASTURTE BERRIA
Comments are closed.
IKASTURTE BUKAERAKO JAIALDIA
Ikuskizunean zehar, dantza eta dantzaren artean, Xane, eskolatik itzultzen den neskato baten eta bere aitona arrantzale ohiaren arteko elkarrizketa baten zatiak entzungo ditugu.
Sukaldean, merendua hartzen duten bitartean, aitonak itsasoko kontuak kontatzen dizkio: nolakoak ziren itsasontzia jotzen zuten eurite trinko haiek, ekaitz egunak itsaso zabalean, bakailaoa arrantzatzearen gogortasuna etxetik urrun, Ternuako ur hotzetan. Portu urrun eta koloretsuez ere hitz egiten dio, hala nola Kolonbiakoez, non musikak eta dantzak kaleak betetzen zituzten, edo Irlandakoez, non hizkuntza bidaiaren beste erronka bat bihurtzen zen.
Bere hitzetan Bretainian egindako lagunak agertzen dira, beste marinel batzuekin partekatutako abestiak, eta kanpoan denboraldi luzeak eman ondoren herrira itzultzearen emozioa, jaietarako garaiz: plaza, trikitixa, dantzak…
Orainaz hitz egiteko tartea ere badago: marmoka ziztada bat Cadaquesen, olatuen beldurra, eta Xanek eskolan ikasten dituen kantu berriak, aitonak jakin-minez eta irribarrez entzuten dituenak.
Horrela, oroitzapen eta aurkikuntzen artean, itsasoak belaunaldiak batzen ditu.
Comments are closed.
ZARAUTZEKO KANPALDIA
Maiatzaren 28an, 2. zikloko ikasleak eta irakasleak autobusez Zarautzera joan ginen.
Aterpean maletak utzi genituen, eta gero, Getariara joan ginen. Hango frontoian gosaldu genuen eta ondoren Onditzen familikoek arrain enpresa erakutsi ziguten kaian. Handik San Anton mendira igo eta bertan bazkaldu genuen.
Arratsaldez Zarautzera oinez bueltatu ginen kostako bidetik, eta olatuen zipriztinekin zipatuta aterpera bueltatu ginen.
Ostegun goizean Zarautzeko hondartzara joan ginen. Bazkaldu eta gero topoa hartu eta Zumaiara joan ginen itsasontziz Flyshak ikustera. Itsasontzian batzuk mareatu ginen.
Ostiralean, goizean Zarauzko malekoian barrena ibili ginen eta hamaiketakoa parke batean egin genuen. Ibilaldiaren ondoren bazkaldu eta gimnasioan jostatzen ibili ondotik autobusa hartu genuen etxera bueltan.
Aterpeko gimnasioa asko gustatu zitzaigun.
Comments are closed.
XAKE TXAPELKETA
Eskoloako 3., 5., eta 6. mailako ikasleek xake finalak jokatu dituzte. A zer nolako maila duten!
Comments are closed.
TIGRE ELTXOA
Tigre Eltxoari buruzko saioa izan dugu gaurkoan, Itsaso Oroz Santamaria, Ingurumen Teknikariarekin. Ondoren, Beran dauden tranpak ikustera joan gara.
Comments are closed.
ELKAR MUGITUZ EGINGO DUGU!
Euskaraldiaren 4. edizioa 2025ean egingo da. Aurreko hiruak ez bezala, udaberrian izango da, maiatzaren 15etik 25era.
Euskaraldia euskara ulertzen duten hiztunen hizkuntza-ohiturak aldatzeko mugimendu soziala da, Euskal Herri osoan eragiteko sortua. Mugimenduak herritarren hizkuntza-praktikak aktibatu eta euskararen erabilera handitu nahi du, eguneroko harremanetan euskara lehenetsiz eta 11 eguneko praktika sozial masibo bateratu baten bidez.
Ricardo Baroja eskola osatzen dugun irakasle, guraso, ikasle eta eskolako beste langileak ere ekimen honetan gogotsu parte hartuko dugu.
Comments are closed.
ALCO
Hondartzarako aulki eta mahaiak egiten dituen lantegia da.
1960. urtean sortu zen. Hasieran seaskak egiten zituzten metalezko barrekin. Gero, barrekin aulkiak egiten hasi ziren.
Gaur egun ordenagailuen bidez diseinatzen dira.
Egunero mila aulki fabrikatzen dituzte gutti gotti betti.
60 pertsonek egiten dute lan. Egunero 8 orduz aritzen dira lanean.
Edozein lanbide ikas daiteke, bertan lan egin ahal izateko. (mekanikaria, ingeniaria,administraria, elektrikaria)
Gutxienez 18 urterekin hasi ahal da.
Europa osoan banatzen dituzte produktoak.( Finlandia, Alemania, Suiza, Belgika, Frantzia, Polonia, Danimarka etab, etab……)
Kamioi bakoitzak, 1.500 aulki eramaten ditu.
Comments are closed.
DORREA
Otsailaren 28an. Ikastetxeko LH3. eta LH4. mailakoek elizako dorrea ikusi genuen.
Lehendabizi Andoni Andueza ezagutu genuen.
Sakristian liburu erraldoi bat erakutsi zigun, liburu hori XVII. gizaldikoa zen eta kantatzeko erabiltzen zuten.
Gero kanpai dorrera igo ginen eta ezkilak ikusi genituen.
XIX. mendeko erlojua ikusi genuen. Pisuek erlojuaren makina mugiarazten dute.
Comments are closed.
OGI TAILERRA
Otsailaren 28an,ikastetxeko 2.zikloko irakasle eta ikasleok ogia egiten ikasi genuen.
Lehendabizi ogiaren masa nola egiten den ikusi genuen.
Hasi aurretik eskuak ongi garbitu genituen.
Gero bakoitzari masa zatitxo bat eman ziguten eta bollo forma eman genion.
Ondoren, 20 min utzi genuen bolloa legamiak bere eragina egin arte.
Azkenik, bolloa labean sartu genuen 25 minutuz .
Bukatzeko bollo eder bat atera zen, etxera eraman genuen.
Oso ongi pasatu genuen.
Comments are closed.
KOMIKIAK
NOLA EZAGUTU GENUEN MATIAS LIBURUZAINA
Matias liburuzaina ezagutu genuen ostiral arratsaldean. Komiki desberdinak erakutsi zizkigun. Banpirin izeneko komikia erakutsi zigun. Pegatina gorria dutenak euskarazko liburuak dira eta erderazkoak pegatina xuria dute. Ingelesezkoak berdea dute eta frantzesezkoak urdina.
Txartela egin zuten batzuk. Etxera eramateko liburuak hartu genituen.
Bakoitzak bere gustoko liburu bat irakurri genuen.
Comments are closed.
ALTXORRAREN BILA
Otsailaren 6an,eskolako patioan,kanpo gorrian eta Toki-onako baratzean, LH4.mailakoek antolatutako ALTXORRAREN BILA jokatu genuen.
Ekintza guztiak dibertigarriak eta partehartzaileak izan ziren.
LH3. mailakoek oso ongi pasa zuten.
Comments are closed.
FASHION SHOW
Joan den otsailaren 14an, 3. mailako ikasleek modeloen desfilea egin zuten ingeleseko saioan; izan ere, arropen gaia landu dute. Bikotekide batek mikrofonoa hartu eta bertzeak soinean zeramana azaltzen zuen bitartean, bertzea alfonbra gorriaren gainean ibili zen harat eta honat. Hagitz ongi pasatu genuen!
Comments are closed.
EGUBERRI ON!!!
2024 urteari agurra emateko, Olentzero eta Mari Domingiren bisita izan genuen. Zenbait kanta abestu genizkien, beraiek opariak banatu zizkiguten eta jantokian prestatutako txistorra pintxoen konpanian, ederki pàsa genuen goiza.
Comments are closed.
BIDE HEZIKETA
Abenduaren 16, 17 eta 18an, gure eskolako lehen hezkuntzako ikasleek bide-hezkuntzako jardueretan parte hartu zuten. Ikasgelan oinezkoen, zikloturisten eta auto-bidaiarien segurtasun-arauak errepasatu ondoren, ikasleek arau horiek errespetatzea praktikan jarri zituzten Eztegara pilotalekuan muntatu zen zirkuitu batean.
Comments are closed.
BORTZ(H)IRI, ESKUALDE BAT
Abenduaren 12an 2. zikloko ikasleak Igantzin izandu ziren.
Joan den astean, 3. eta 4. mailako ikasleak Igantzin izandu ziren. Autobusa hartu eta Igantzira ailegatzerakoan lehenbizi Nagorerekin zuten hitzordua, Bortzirietako Berdintasun zerbitzua ezagutzeko. hainbat galdera zituzten prestatuak, elkarrizketa egin eta bere lanaren inguruan gehiago jakiteko. Frontoian hamaiketakoa egin ondotik, Frain mendira goitu ginen oinez. “Bortz(h)iri, eskualde bat” izeneko proiektua landu dute 3. mailakoek eta Fraineko kaskotik eskualdeko bortz herriak ikusten direnez, 4. mailakoei kontatzeko azalpentxo batzuk zituzten prestatuak. Bertan bazkaldu eta herrira jautsi ginen azkenik.
Comments are closed.
EUSKARAREN EGUNA
Pasa den abenduaren 4ean ospatu genuen aurtengo Euskararen Eguna. Kultur Etxean hasi genuen ospakizuna eta bertan EiTxo itxura aldatua ezagutzeko aukera izan genuen. Zenbait bideo eta kanta entzun genituen eta ohiko moduan, seigarren mailako ikasleek “EiTxo, euskaraz garbi mintzo” abestia txirularekin jo zuten. Bertan 5. eta 6.mailako saskiaren eta afariaren zozketa ere egin genituen
Eskolara itzuli eta sukaldariek prestatutako hamaiketako goxoa dastatu ondoren, EiTxo berriaren sortzaile den Paula Artiedaren laguntzarekin, 4.,5. eta 6.mailako ikasleek kartulinaren gainean marraztu genituen hainbat EiTxo. HH eta LHko gazteenek berriz gelan paperaren gainean EiTxo aunitz margotzen aritu ginen. Primeran pasa genuen.
Comments are closed.
AZAROAK 25 EMAKUMEENGANAKO INDARKERIAREN KONTRAKO NAZIOARTEKO EGUNA
Comments are closed.
GAU BELTZA
Aurten ere, Gau Beltza eta Halloween direla-eta lehiaketa antolatu dugu eskolan. Alde batetik, orain arte bezala, kalabaza lehiaketan parte hartu ahal izan dute ikasleek, eta, bertzalde, lehenbiziko aldiz, txano eta erratz lehiaketa ere antolatu dugu. Lehen Hezkuntzako ikasleek gustukoenak zituzten kalabaza, erratz eta txanoei botoa eman diete eta 6. mailako Ainhoa eta hirugarren mailako Izaro izan dira irabazleak. Zorionak biei!
Comments are closed.
72. DONOSTIAKO ZINEMALDIA
Donostiako Zinemaldira joan gara aurtengoan ere; 2. eta 3.zikloko ikasleak. “Alan, giza antena” filmea ikusi genuen Donostiako Belodromoan. Bukatutakoan, topoa hartu eta Benta Berriko frontoira joan ginen. Bertan jolasten aritu eta bazkaldu ondoren Berara itzuli ginen. Ederki pasa genuen.
Comments are closed.
KANPALDIA HONDARRIBIAN
Ekainaren 12tik 14ra Hondarribian izan ginen kanpaldian. Eguraldi ederra izan genuen eta horrek aukera eman zigun mendi buelta bat egiteko Jaizkibelen barrena, kayakean ibiltzeko eta hondartzaz gozatzeko. Ederki ibili ginen!
Comments are closed.
LH4 – DEPORTISTAS
Comments are closed.
LH4 – DEPORTISTAS
Comments are closed.
LH – 4 DEPORTISTAS
Comments are closed.
LH4 – DEPORTISTAS
Comments are closed.
LH4 – DEPORTISTAS
Comments are closed.
LH4 – DEPORTISTAS
Comments are closed.
LH4 – DEPORTISTAS
Comments are closed.
LH4 – DEPORTISTAS
Comments are closed.
MUNDUKO HERRIALDEAK
Pasa den ekainaren 15ean, larunbata, eta ikasturteari bukaera emateko, Ricardo Barojakotik munduko beste herrialde aunitzetara egin genuen jauzi. Ikuskizun ederraz gozatzeaz gain, eskola komunitateko kide garenok elkarrekin bazkaltzeko aukera ere izan genuen. Hagitz egun polita pasa genuen. Esker aunitz edonola ere parte hartu duzuen guztioi.
Comments are closed.
AGUR MAIATZA AGUR
Gaur jangelan festa handia egin dute maiatzeko azken eguna ospatzeko. Gora gure eskolako jangelako langileak!!! 
Comments are closed.
NAZIOARTEKO LIBURUAREN EGUNA
Aurten ere Liburuaren Nazioarteko Eguna ospatu dugu eskolan. Goizean goiz, ikasle zaharrenek gazteenei ipuinak kontatu dizkiete. Gero, ikasle bakoitzak etxetik ekarritako liburuak mailegu bidez elkarbanatu ditu, bitartean orri-markatzaileak margotzen aritu gara. Jarduerak bukatzeko, zenbait irakaslek ipuin ezberdinak irakurri dizkiete adin ezberdinetako ikasleei. Oso gustura aritu gara, irakurtzen ere plazera sentitu dezakegulaz ohartu gara.
Comments are closed.
HARRO HERRI 23. KORRIKA
Aurtengoan 23.korrika izan dugu. Korrika ofiziala, igandeko goizeko lauetan pasaten zenez, ostiralean korrika txikia antolatu genuen eskolan. Ikastetxean zehar aritu ginen mailaz-maila lekukoa pasaz. Festa giroan ederki aritu ginen.
Igande goizeko Korrika ofizialean ere eskolak ordezkaritza handia izan zuen, mila esker parte hartu zenuten guztioi. Ea egunerokotasunean ere horrelako babesa ematen diogun, euskara gure esko baitago.
Comments are closed.
IRAUPEN ESKIA
Martxoaren 11ean abiatu ginen Izabarantz, aste osoa pasatzera gindoazen. Bidaia nahi bezala hasi ez bazen ere, ederki bukatu zen. Astean zehar, eskiatzeaz gain, hainbat ekintza egin genituen eta orokorrean arras ongi pasa genuen. Bortzirietako beste eskoletako ikasleak ezagutzeko aukera ere izan genuen.
Primerako eguraldia eta elur aunitz izan genituen, zorionekoak gu!
Comments are closed.
NILSA
Otsailaren bukaeran eta martxoaren hasieran NILSAko bi lagun etorri ziren eskolara uraren erabileraz hitz egitera. Lehenengo egunean Xantelerrekako urak aztertu genituen eta zentzumen jolas batzuk egin genituen. Bigarren egunean, berriz, uraren ibilbideaz aritu ginen, baita bere erabileraren garrantziaz ere.
Comments are closed.
MIREN AGUR MEABE
Martxoaren 15ean, Miren Agur Meaberen bisita izan genuen eskolan. Lehen Hezkuntzako 4 eta 2.mailako ikasleekin egon zen, bere liburuen inguruan hitz egiten. Ipuintxo batzuk kontatu zizkien eta ondoren ikasleek galdera batzuk egin zizkioten. Bukatzeko, Miren Agurrek ikasleen liburuak sinatu zituen. GORA LIBURUAK!
Comments are closed.
MARTXOAK 8
Aurtengoan ere Martxoaren 8a dela eta, gure eskolak bat egin du Emakumearen Nazioarteko Egunarekin.
Mandarrak eta kapak denontzat sortuak direla izan da gure aurtengo aldarrikapena.
Eskolako ikasle, langile eta irakasleek argazkiak atera eta elkarrekin bertsoa kantatu dugu.
Comments are closed.
BERDINTASUNARI KONTA ETA KANTA
Otsailaren 28an Haizea Loira musikoterapeutaren bisita izan genuen. Berak “ Arrosa eta leuna” ipuina kontatu zigun eta ipuin honek berdintasunaren inguruan hausnartzeko aukera eman zigun. Ondoren, denon artean, gure kantaren erritmoa eta letra sortu genituen.
Comments are closed.
DORNAKURA BISITAN
Joan den otsailaren 9an 3. eta 4.mailako ikasle eta irakasleak mendi buelta bat eman genuen Dornaku aldera. Eguraldia zela-eta hasiera batean pentsatutakoa baina ibilbide txikiagoa egin genuen; ederki pasatu genuen, ordea!
Comments are closed.
AUZOLANA
Larunbatean auzolanean aritu ginen Ricardo Baroja eskolan. Gurasoak, langileak eta
ikasleak elkartu ginen eskola kolore berriez janzteko. Kanpoko eguraldi txarrari aurpegi eta
giro ona jarri genion.
Comments are closed.
INAUTERIAK
Joku Olinpikoen urte honetan ere, Inudeek eta Artzaiek herriko ohiturari jarraipena eman diogu, ortzegun-gizenean. Eskolako sukaldariek prestatutako bazkari goxoarekin energiaz beteta aritu gara kantuan eta dantzan.
Txikienek kirol modalitate ezberdinetan hartu dute parte; urrezko, zilarrezko eta brontzezko domina ugari erakutsi dizkigute.
Aita Joxepe eta bere bi laguntzaileak ere agurtu ditugu.
Primeran aritu gara.
Comments are closed.
EUSKARAREN EGUNA
Aurtengo Euskara Eguna abenduaren 3an bazen ere, guk bostean ospatu genuen. Goizean zehar, talde bakoitza bere gelan ekintza ezberdinak burutzen ari zen bitartean, txandaka eskolako sarreran gure eskuen aztarna utzi genuen, guztion artean zuhaitz ederra izango denaren lehenengo pintzeladak emanez.
Jolas orduan gure sukaldari taldeak Euskal Pastela, Ei-Txoren gailetak eta txokolate goxoa dastatzeko aukera eskaini zigun, hori plazerra.
Arrastsaldea berriz, Kultur Etxean pasa genuen. Talde bakoitzak, koreografia baten laguntzaz, kantu ikuskizun bat eskaini zuen, bukaeran gelan sortutako leloa plazaratuz.
Comments are closed.
IRUÑERA BISITAN
5. eta 6. mailako ikasleak Iruñera joan gara elkarrekin. Bertan gure proiektuekin loturik dauden ekintza ezberdinak egin ditugu.
5.mailako ikasleak, Paris365 proiektua ezagutzera joan gara. Bertan boluntario gisa aritzen diren pertsonak Iruñean baliabide gutxi dituztenak laguntzen aritzen dira.
6.mailako ikasleek berriz, planetariuma bisitatu dugu.
Autobus geltokian elkartu eta Saltingen bukatu dugu.
Ederki pasa dugu.
Comments are closed.
EKAINBERRI
Joan den azaroaren 23an 2. zikloko ikasle-irakasleak Zestoara joan ginen. Bertan, Ekainberri museoa ezagutu genuen. Historiaurrea gaia lantzen ari gara gelan, eta hori aitzakiatzat hartuta, bertako kobazuloaren erreplika ikusi genuen. Horrez gain, garai hartan sua nola egiten zuten ikasteko tailer bat egin genuen. Museoko bisita bukatu ondoren, herriko plazan bazkaldu genuen eta jolastu ginen. Egun ederra pasatu genuen!
Comments are closed.
LESAKAKO FERIAK
Lehen Hezkuntzako 3.zikloko ikasleak, azaroaren 23an ospatzen den, Lesakako Ferian egon ginen. Hotza egiten bazuen ere, oinez joan etorria egin genuenez, ederki berotu ginen. Lesakako karriketan ere jende eta lagun artean ez genuen hotzik pasa, hori jendetza… Primeran pasa genuen.
Comments are closed.
AZAROAK 25
Emakumeen kontrako indarkeriari gure gaitzespena adierazteko, adinaren araberako lanketa ezberdinak egin ditugu norberaren gelan. Guztiok egin dugun ariketa bat baina, harri bana apaintzea izan da.
Harri horiekin osatutako ikurraren inguruan, talde argazkia atera dugu eta ondoren gure harriak eskolan kontzeko, gure “basoaren” ertz batean kokatu dituzte. Ea fruiturik ematen duten… Gutako batzuk nola egiten zuten ikusi dugu, helduak lan egiten ikustea ere atsegin baitugu. Oso polita geratu zaigula iruditzen zaigu. Ideia bikaina.
Comments are closed.
GAU BELTZA
Antzinatik datorren ohitura berreskuratuz, gaurkoan Gau Beltza eguna ospatu dugu eskolan. 4.mailako ikasleok, Gau Beltza gaia izeneko proiektua landu dugu azken hilabete hauetan, eta proiektuari amaiera emateko, eskolako ganbaran zenbait jarduera antolatu ditugu. Horretarako trapu zaharrak erabiliz mozorrotu gara, eta jolas garaian, hamaiketako moduan, gaztainak jateko aukera ere izan dugu.
Egun atsegina pasa dugu, eta hagitz gustura aritu gara.
Comments are closed.
LIZUNIAGA
Ikasturte honetan ere ohitura zaharrari heldu eta Lizuniagara egin dugu bisita.
Pasa den astelehenean, irailaren 25ean, eskolako ikasle eta irakasle guztiak bertara igo ginen. Aurtengoan ere eguraldia lagun ederki pasa genuen.
Comments are closed.
GINKANA
Ikasturteari bukaera modu atsegin batean emateko asmoz, eskolako irakasleek 4.,5. eta 6. mailako ikasleentzat ginkana entretenigarri bat prestatu zuten. Guztira hamaika froga pasa behar izan genituen, oso dibertigarriak orokorrean. Hagitz ongi pasa genuen.
Comments are closed.
3. MAILAKOEN AZKEN HIRUHILABETEKO PROIEKTUA
LH3n azken hiruhilabete honetan substantzia arriskutsuen inguruan ikasten aritu gara. Horiek gure etxeetan eta beste edonon egon daitezkela ikusi dugu eta beraiekin kontuz ibili behar dugula.
Honen harira, Berako suhiltzaileengana hurbildu ginen eta eman zizkiguten azalpenak gustura entzun genituen.
DYAkoak ere eskolara etorri ziren eta hainbat gauza interesgarri erran eta erakutsi zizkiguten.
Proiektuari bukaera emateko, Bortzirietako Garbigunean etxeetan, denok, sortzen dugun zaborra eta erabiltzen ditugun substantzia arriskutsu horien hondakinak nola birziklatu behar ditugun ikasi genuen.
Proiektua oso interesgarria izan da pertsonak eta ingurugiroa zaintzea oso garrantzitsua dela ikasteko.
Comments are closed.
KANPALDIA
Bigarren zikloko ikasle eta irakasleok hiru egun igaro ditugu Orion, maiatzaren 24tik 26ra. Egun horietan jarduera ugari egin ditugu (ibilaldiak, jolasak, Orioko herritik bisita, hondartza…). Inguruaz eta elkarrekin egoteaz aunitz gozatu dugu.
Comments are closed.
XAKE MATE
Azken bi hilabetetan Xake Txapelketa egiten ari gara 3., 4., 5. eta 6. mailako ikasleak.
Maiatzaren 9an, Luis Etxepare etorri zitzaigun, bost partida batera nola jokatzen diren erakustera. Ikusten duzuenez, ikasle aunitz hurbildu ziren partidak ikustera.
Mila esker Luis.
Comments are closed.
LIBURUAREN EGUNA
Aurtengo liburu eguna apirilaren 23an ospatu bazen ere, guk maiatzaren 3rako utzi genuen ospakizuna.
Goizean goiz, ikasle zaharrenek ikasle gazteenei ipuinak kontatzen aritu eta gero, orri-markatzaileak egiten aritu ginen. Ondoren, Kultur Etxean eskolako hainbat irakaslek prestatutako antzerki bat ikusi genuen. Goiz polita pasa genuen.
Comments are closed.
XAKE TXAPELKETA
Bigarren hiruhilekoan hasi ta hirugarren honetan bukaera emanen diogu eskolako 3. mailatik 6. mailara antolatutako Xake Txapelketari. Antolatzaileak 6. mailako hainbat ikasle izan dira. Asteazkenero eskolako liburutegian elkartu dira jokalariak baina hemendik aitzinera, azken fasea jokatzeko, eskolako patioan arituko dira. Eskerrik asko antolatzaileei eta parte hartzeleei.
Comments are closed.
TXANGOA IBARDIN INGURURA
Apirilaren 4ean, 3. eta 4. mailako ikasleak Ibardinera joan ginen oinez. Ibardinetik Erentzun parajera igo ginen eta bertan Asier Gogorzaren “hariztia” ikusi genuen. Hortik, Gartzin mendira joan ginen eta mendia zeharkatzen duen bunkerrean sartu ginen.
Eguraldiak lagundu zigun eta egun polita pasatu genuen.
Comments are closed.
MARTXOAK 8
Martxoaren 8aren harira, gure eskolak bat egin du Emakumearen Nazioarteko Egunarekin. Ekintza desberdinak burutu ditugu, besteen artean, eta sinbolikoak diren betaurreko moreak janztearekin batera, eskolako patioan, begi morez osatutako puntu morea sortu dugu.
Comments are closed.
IÑAUTERIAK
Ohitura zaharrei jarraiki, aurten ere Ortzegun Gizen egunean eta goxo bazkaldu ondoren, herrian zehar dantzan eta kantuan aritu ginen. Eskolako pinguino txikiak lehenengo, Inude eta Artzaiak ondoren. Ederki pasa genuen.
Comments are closed.
OLENTZERO ETA MARI DOMINGI
2022 urtea agurtzeko, astoaren arrimuan etorri ziren, Mari Domingi eta Olentzeroren bisita izan genuen. Ongi etorria emateko elkarrekin gabon kantak kantatu genizkien. Ondoren, Olentzero eta Mari Domingik gelarako opariak banatu zizkiguten eta zenbait ikaslek etxerako oparien eskaera egiteko eskutitzak eman zizkieten.
Gero, 3.zikloko ikasleek zozketa egin zuten, baita irabazleei telefonoz deitu ere.
Eguna bukatzeko eta ohiko moduan, jantokiko langileek txistorra pintxo goxoak eskaini zizkiguten.
Ederki pasa genuen eguna.
Comments are closed.
Berako txoko interesgarrien erakusketa
3.mailako ikasleek erakusketa bat antolatu dugu eskolan. Berako txokoak ezagutzeko egindako proiektuari bukaera emanez horrela. Erakusketa honetarako maketak sortu ditugu, aurretik ezagutu eta landu ditugun txoko interesgarri horiek irudikatuz. Erakusketa pasabidean ezarri dugu eta eskolako ikastalde guztiak gonbidatu ditugu ikustera. Oso gustora aritu gara lanean eta maketa ederrak eraiki ditugu.
Hona hemen gure erakusketaren argazki batzuk.
Comments are closed.
EUSKARAREN EGUNA 2022
Aurten ere, Euskara eguna ospatzeko, eta euskaraldiari amaiera emateko, Eitxoren bixita berezia izan genuen. Hagitz egun polita pasa genuen.
Adin ezberdinetako ikasleek osatutako taldetan bildu eta altxorraren zati ezberdinen bila aritu ginen. Zati guztiak elkartzea lortu genuenean, hauxe irakurri ahal izan genuen: Euskara itsaso urdin eta zabal bat da, eta gurea da!
Ondoren, jantokian prestatu ziguten primerako hamaiketakoarekin, eta musikaz gozatuz, ospatu genuen
Eutsi hitzari, bultza ekimenarekin, orain da garaia! Ekin euskarari, 365 egun!
Comments are closed.
BERATIK ITZULIA
Ricardo Baroja eskolako hirugarren mailako 32 ikasle eta irakasleok, azaroaren 16an Beratik itzulia egin genuen. Ikasleek Berako txoko interesgarrien inguruan hitzegin ziguten, aurretik bildu zuten informazioa partekatuz. Gure herria gehiago ezagutu genuen eta goiz pasa ederra egin genuen.
Comments are closed.
EUSKARALDIA HASI DA!
Comments are closed.
UDALETXEAN BISITAN
Ricardo Baroja eskolako laugarren mailako 22 ikasleak, urriaren 27an udaletxera joan ziren. Ikasleak alkatearekin egon ziren, eta eskaera bat egin zioten.
Aitor Elexpuru ezagutu zuten eta bere lanari buruzko galderak eta udaletxearen funtzionamenduari buruzko galderak egin zizkioten.
Lehendabizi bere lanari buruz erran zuen, hasieran Aitor zinegotzia izan zela eta orain alkate bezela egunero udaletxean egun osoz lan egiten duela baina egun libreak ere badituela.
Bestalde, Aitorrek esan zuen diru kopuru zehatz bat dutela (4 milioi euro) urtero herriko hobekuntzetan gastatzeko.
Azkenik, ikasleek herriko igerilekua konpondu eta txirrista jartzeko eskaera egin zioten agiri ofizial baten bidez. Eskaera udaletxeko erregistroan sartu zuten eta alkateari eskua emanta joan ziren.
Comments are closed.
HALLOWEEN
Halloween eguna dela-eta, aurten kalabaza lehiaketa antolatu dugu eskolan. Sekulako arrakasta izan du, 60 kalabaza aurkeztu baitira denetara, zein baino zein beldurgarriagoa eta originalagoa.
Comments are closed.
LIZUNIAGA
Bi urtez joan gabe egon eta gero, ohitura zaharrari heldu genion berriro ere. Pasa den ostegunean, irailaren 22an Lizuniagara igo ginen eskolako ikasle eta irakasle guztiak. Eskerrak bidea ahaztu ez dugun… Ederki pasa genuen bai bidean baita Lizuniagan bertan ere.
Comments are closed.
ZINEMALDIA 2022
Aurten ere Donostiako Zinemaldiarekin dugun hitzorduari kale egin gabe, Terra Willy: Planeta ezezaguna filmea ikusi genuen, 2. eta 3.zikloko ikasle eta irakasleak.
Ondoren, Ondarretako hondartzara joan ginen. Batzuk garraio publikoa erabiliz eta beste batzuk berriz oinez. Primeran pasa genuen, eguraldia lagun.
Comments are closed.
KAIXO 2022-23 IKASTURTEARI
Udako oporraldia atzean geratu dela eta ikasturte berriari heltzeko garaia iritsi da. Itzulera arinagoa egiteko asmoz eta eskolako kantaren konpainian, ongi etorri xume eta erakargarriagoa prestatu genuen. ONGI ETORRI 2022-2023 IKASTURTERA.
Comments are closed.
KURTSO BUKAERAKO BESTA
2021-2022 ikasturtea ongi bukatzeko, eskola osoa Afrikaraino joan ginen. Abentura zirraragarriak bizi eta dantzan aritu ginen. Primeran pasa genuen.
Comments are closed.
MUGAZ GAIN
A ze nolako ikuskizuna eskaini ziguten 4. mailako ikasleek. Zorionak artistak!
Comments are closed.
KANPALDIA HONDARRIBIAN
Bigarren zikloko ikasle eta irakasleek hiru egun igaro genituen Hondarribian, ekainaren 15etik 17ra. Egun horietan kirol-jarduerak egin ditugu (bizikleta, kayak…), hondartzaz eta itsasoaz gozatu dugu, eta batez ere elkarrekin egoteaz gozatu dugu.
Azken egunean bero haundia bazen ere, kanpaldia pozik bukatu ahal izan genuen hidratazio egokiari, plangintza egokiari eta bizikletan itzultzeko ordurik txarrenak saihesteari esker.
Comments are closed.
ENERGIA BERRIZTAGARRIAK
Hirugarren hiruhileko honetan, laugarren mailako ikasleek, Ingurunearen Ezagutzari buruzko saioetan, energiak eta, batez ere, energia berriztagarriak landu dituzte. Hori dela eta, ekainaren 14an laugarren mailako ikasleek Aitor Erkiziaren bisita jaso zuten eta energia berriztagarrien iturriak azaldu zizkigun. Mila-mila esker!
Comments are closed.
INGURUA HOBETO EZAGUTZEN
Joan den asteko ortziralean, maiatzaren 13an, bigarren zikloko ikasle eta irakasleek irteera bat egin genuen. Gure ingurua hobeto ezagutzeko, eskolatik oinez atera eta Ibardinerat abiatu ginen. Bidean zehar, natura bere distira osoan ikusi ahal izan genuen. Ibardinera iritsitakoan, hamaiketakoa jan eta eskolara itzuli ginen bazkaltzeko. Goiz zoragarria pasa genuen!
Comments are closed.
Km-0
Aurten eskolan bertan baratzaren proiektua jarri dugu martxan. Eta badatoz lehenengo etekinak.
Gure sukaldean Km-0 edo hobeto m-0 jakiak…
Comments are closed.
2022 LIBURUAREN EGUNA
Apirilaren 13an, eta Nazioarteko Liburuaren eguna hurbil genuenez, ekintza desberdinak antolatu genituen eskolan.
Comments are closed.
LIBURUAREN EGUNA
Apirilaren 13an, eta Nazioarteko Liburuaren eguna hurbil genuenez, 4. mailako ikasleek bisita berexia jaso zuten. Xabier Etxeberria idazlea gurekin egon zen “Valerium Tremens eta traganarruak” liburuari buruz solasteko. Idazle moduan emandako hasiera pausuak aipatu zituen eta baita ikasleek irakurritako liburua nola sortu zuten Xabierrek berak eta Martin bere anaiak.
Comments are closed.
KORRIKA..
Comments are closed.
ESKOLAN ERE…TTIPI-TTAPA, TTIPI-TTAPA… KORRIKA
Lehengo ostiralean, gurera ere iritsi zen korrika giroa. Eskolan aritu ginen “ttipi-ttapa” euskararen alde, guztiok elkarrekin. Ei txok ekarri zuen lekukoa, eta amaitzerakoan gela guztiek euskararen aldeko konpromezua sinatzeko proposamena zabaldu zuen. Frontoian amaitu genuen, “hitzekin” dantzan. Eta eguna borobiltzeko, hamaiketako ederra!!
Comments are closed.
TXANGOA IRUÑEARA
Joan den ortziralean, martxoaren 18an, 3. eta 4. mailako ikasle eta irakasleak Iruñean egon ginen Nafarroako Museoa bisitatzen. Bertan, gida baten laguntzaz, Nafarroan aurkitutako hainbat aztarna ikusi ahal izan genituen: paleolito, neolito eta metalen eta erromatarren aroko garaikoak. Iruñeako alde zaharreko hainbat txoko interesgarriak ere bisitatu genituen. Primeran pasa genuen!
Comments are closed.
METAL AROA
4. mailako ikasleek Metal Aroa gaia landu dutenez, bukaerako lan bezala hiru aroko tresnak egin dituzte. ARTISTA GALANTAK!
Comments are closed.
NAZIOARTEKO EMAKUMEAREN EGUNA
Gaur martxoak 8ren harira, Lehen Hezkuntzako 4.mailako ikasleek egunaren inguruko hausnarketa, bideo txiki bat ikusi eta honako mural zoragarria egin dugu. GORA EMAKUMEAK!
Comments are closed.
IÑAUTERIAK MUNDUAN ZEHAR
Comments are closed.
NAZIOARTEKO EMAKUMEAREN EGUNA
Martxoaren 8aren harira, gure eskolak bat egin du Emakumearen Nazioarteko Egunarekin. Ekintza desberdinak burutu ditugu, besteen artean puntu morea osatu dugu eskolako patioan.
Comments are closed.
BERAKO ZIRKUA
Azken hiru asteetan, Lehen Hezkuntzako 4. mailako ikasleek, Gorputz Hezkuntzako saioetan , «Berako ZIRKOA» izeneko proiektu baten inguruan lan egin dute. Hemen dituzue grabatutako bideoak.
Comments are closed.
HORRA HORRA GURE OLENTZERO
Aurtengo eguberrietan ere Olentzero etorri zitzaigun “Belarri-luze” astoaz lagundurik. Mari Domingi gaixua konfinatua geratu behar izan zuen, horrelaxe gabiltza denak, ezta? Hala ere pozik abestu genien eta hitz eta pitz aritu ginen. Baita opariak jaso ere!
Comments are closed.
IZOTZ JAUREGIAN
Joan den ostegunean, abenduaren 16an, bigarren zikloko ikasle eta irakasleak Donostiara joan ginen Txuri-Urdin izotz jauregira. Donostiara ailegatzean, inguruko parke batean hamaiketakoa egin eta eguzkitan jolastu ondoren, patinatzera abiatu ginen.
Jarduera 11: 30etan hasi zen. Lehen 15 minutuek patinekin eta izotzarekin kontaktua izateko balio izan zuten. 30 minutuko irristaketa gidatua eta azken 15 minutuak musikarekin egindako irristaketa librea.
Ikasleek primeran pasatu dute, eta amaiera polita izan da hiruhileko zail xamar batentzat.
Comments are closed.
“Nafarroako geografia”
Laugarren mailako ikasleak “Nafarroako geografia” gaiarekin lotutako hainbat jarduera egiten ari dira. Horien artean eta familien laguntzarekin, Nafarroako mendialdeko zuhaitz ugarienen hostoak bildu eta sailkatu egin dituzte.
Comments are closed.
HONDAKINEN TAILERRA
Urriaren 18an, astelehenean, 3. eta 4. mailako ikasleek hondakinei buruzko tailer batean parte hartzeko aukera izan zuten.
Tailer hau HIRUSTA elkarte kooperatibak antolatzen du, ingurugiro hezkuntzaren arloan lan egiteko asmoarekin. 4. mailakoek tailerra elebiz egin zuten, euskaraz eta ingelesez, eta 3. mailakoek berriz euskara hutsean.
Teoria primeran barneratu badute ere garrantzitsuena da praktikan jartzea.
Comments are closed.
BARATZA
Eskolako baratzatxo berria martxan jartzeko beharrezko prestaketen ondoren, espero dugu garaiz, garaian garaikoa landatzeari ekin diogu; mota ezberdinetako urazak, tipulak, eskarolak, azak, azelgak, peiak eta romaneskoak. Ea landatutakoei beharrezko arreta eskainiz uzta goxoak jantokian dastatzeko aukera dugun. Ikastetxeko talde ezberdinek parte hartu dugu oraingoan eta guztion partez eskerrak eman nahi dizkiegu, guraso elkarteari eta Xulufraia fundazioari ekimena babesteagatik.
Comments are closed.
JOKU OLINPIKOAK
Joku olinpikoak ospatzen diren urteak seinalatuak izaten dira. Zazpi kirol ezberdin, zazpiak ere nahikoa bereziak. Ezagutu dugun ikasturte bereziena arrakasta handiz gaindituta, eskolako ikasle guztiek merezi izan dute urrezko domina. Ikusi nola lehiatu ziren gure eskolako ikasleak azken egun seinalatu honetan.
Comments are closed.
RING RING BAGOAZ…
Joan den ortziralean, 3. mailako ikasleak eta irakasle batzuk, bizikletaz irteera egin genuen. Goizean gure eskolatik atera eta tren bidea hartu ondotik Sunbilla aldera abiatu ginen. Zenbait geldiune egin ondotik, tartean hamaiketakoa ere, azkenean ailegatu ginen Sunbillako plazara. Han atseden txiki bat hartu eta Donezteraino abiatu ginen eta primeran ailegatu ginen. Intzakardiko parkean bazkaldu eta jolastu ondoren, bizikletak hartu eta Berarako bidea hartu genuen. Egun zoragarria izan zen!
Comments are closed.
HONDARRIBIRA!!
Astelehenean, ekainaren 21ean, bigarren zikloko ikasle eta irakasleek Hondarribiko hondartzan eman genuen goiza. 9:00etan eskolatik autobusez irten eta Hondarribiko aireportura joan ginen zuzenean. Handik, paseo polit bat emanez, hondartzara joan ginen. Bazkaldu ondoren, txapuzoia itsasoan. Hondarretan ere jolastu zuten eta dena jaso ondoren Berara itzuli ginen. Eguraldia bikaina izan zen, eguzkitsua egon arren ez baitzuen bero handirik egiten.
Comments are closed.
LIZUNIAGATIK LIZAIETARA
Martxoaren 26an, ortzirala, hirugarren mailako ikasleak eta irakasleak mendi irteera bat egin genuen.
Autobusez Lizuniagara igo ginen eta bertatik Lizaietaraino joan ginen oinez. Bertan hamaiketakoa egin genuen. Paraje eder horietan jolasten egon ondotik Lizuniagara bueltatu ginen autobusa hartzera eskolara itzultzeko. Primeran pasa genuen!
Comments are closed.
SENTITU
Egunerokotasunean hainbat sentimendu bizitzen ditugu hainbat gertaera direla medio… 4.mailako ikasleek Baloreak ikasgaian egindako lana duzue hemen.
Comments are closed.
OLENTZERO ETA MARI DOMINGI
Abenduaren 22an, Olentzero eta Mari Domingiren bisita izan dugu eskolan. Aurten, pandemiak behartuta, hauek ere muxukoarekin etorri dira eta gelaz gela ibili dira opariak banatzen. Ikusi ditugunean izugarrizko poza eman digute eta gure kantuekin eskertu ditugu.
ARGAZKIAK
Comments are closed.
IGANTZIRA!!
Abenduaren 15ean, LH 3.mailako ikasle eta irakasleak Igantzira autobusez joan ginen. Gero handik oinez Frain mendira igo ginen eta bidean Bortziriak osatzen dituzten bortz herriak ikusteaz gozatu ahal izan genuen. Egun haizetsua egin bazigun ere, primeran pasa genuen.
Comments are closed.
IGERILEKURA!!
Lehenengo hiruhilabetean, ikasturtero bezala, 3.maila A gelako ikasleek G.H.ko saioak Lesakako kiroldegiko igerilekuan eman dituzte.
Hamaiketakoa jan ondotik errekreo tenorea erabili izan dugu Lesakara joateko. Han ordu beteko saioa egin ondoren ikastetxera bueltatzen ginen. Bederatzi saio egin dituzte eta igeriketa teknikak ikasteaz gain primeran pasatu dute.
Bigarren hiruhilabetean 3. maila B gelako ikasleek ekintza berbera eginen dute.
Comments are closed.
EUSKARAREN EGUNA
Modu berexian izan bada ere, nola ez, euskararen eguna ospatu dugu aurten ere. Beti bezala, Ei txoren bisita izan dugu eta talde bakoitzak kanta bat abestu diogu. Eta ohitura ez galtzeko, euskal pastel goxoa eta txokolate beroa dastatu ditugu
IKUSI
Comments are closed.
BORTZIRIETAKO HIRI HONDAKINERAKO 3. MAILAKOEN BISITA
Azaroaren 25ean, 3. mailako ikasleek Beran dagoen Bortzirietako hiri- hondakinen planta bisitatu dute. Bertan, iristen zaizkien objektuak nola sailkatzen dituzten azaldu digute.
Bisita eskertzeko kantinplora bana oparitu digute.
Comments are closed.
ANTZERKIAN HASI GARA
Urtero bezala aurten ere antzerkia egiten hasiak gara. 4. maila A, 4. maila B eta 5. mailako ikasleak antzerkia sortzen, ezagutzen eta egiten ari gara.
Comments are closed.
GORPUTZ HEZKUNTZA COVID-19
Etxean egon garen bitartean ez gara geldirik egon. Guk ere gure ariketak egin ditugu, hona hemen erakusketa ttiki bat….
BIDEOAK
Comments are closed.
XORROXIN
Gure eskola Xorroxin irratiko estudio bihurtu dugu azken egunotan. Gure ikasleak txiki txikienetik helduenerarte izan dire irratiko partaide eta egile. Zuzenean entzun ahal izan zen 106.5 frekuentzian pasa den astean zehar , baina galdu zenutenek lasai, hemen dituzue eta egin ziren saioak.
OSTIRALA – OTSAILAK 07
ASTELEHENA – OTSAILA 10
ASTEARTEA – OTSAILA 11
ASTEAZKENA – OTSAILAK 12
OSTEGUNA – OTSAILAK 13
Comments are closed.
IÑAUTERIAK 2020
Urtero bezala Ortzegun Gizen egunean, bazkaldu ondoren, herrian barna ibili ginen. Eskolako txikienak mexikar bihurtu ziren eta handienak Inude eta Artzai. Aurtengoan eguraldi aparta izan genuen.
ARGAZKIAK
Comments are closed.
EKAINBERRIRA IRTEERA
Pasa den ostiralean, otsailak 21, 2.zikloko ikasle eta irakasleek Zestoako Ekainberriko museoa bisitatu genuen. Bi taldetan banatu ginen, talde batek tailerra egiten zuen bitartean besteak Ekaingo kobazuloaren erreplika bisitatu zuen. Tailerrean, Historiaurrean sua egiteko moduak azaldu zizkiguten eta kobazuloko erreplikan berriz, aintzinako gizakiek egindako artelanak ikusi genituen. Azkenik, Zestoako parke batean bazkaldu eta jolastu ondoren itzuli egin ginen. Primeran pasatu genuen.
ARGAZKIAK
Comments are closed.
EGUBERRIETARAKO ENTSAIOAK
Comments are closed.
IDAZLEAK ESKOLAN
Ikasturte honetan ere 2.zikloko ikasleek “Idazleak Eskolan” programan parte hartu dugu. Abenduaren 5ean Jokin Mitxelena ilustratzaile eta idazlearen bisita izan genuen. Egun horretarako ikasleek “Puka, erleak eta traktorea” liburua irakurri eta komentatua genuen. Ikaslegoa bi saiotan banatu zen, lehenengoan 3.mailakoak eta bigarrenean 4.mailakoak. Bietan Jokinen lanari buruz solastu genuen eta opari bezala zenbait marrazki egin zizkigun. Azkenean ikasle bakoitzaren liburua sinatu eta eskatutako marrazkia egin zuen. Saio oso polita izan zen eta Pukaren hurrengo abentura irakurtzeko irrikitan gaude.
ARGAZKIAK
Comments are closed.
BATZARRA
6. mailako ikasle talde batek zuzentzen duen batzarra bi hilabetetan egiten dugu. Bertan, 3, 4, 5 eta 6. mailako ikasleek parte hartzen dute. Bizikidetzarekin loturiko kexak eta proposamenak adierazteko bide aparta da.
ARGAZKIAK
Comments are closed.
BIDE HEZIKETA
Azkeneko egunotan bide heziketa ikastaroa jaso dugu Foruzainen eskutik. Haur Hezkuntzatik hasi eta Lehen Hezkuntzako ikasle guztiek parte hartu dugu bertan.
Comments are closed.
LIZUNIAGA 2019
Urteroko ohiturari jarraikiz, irailaren 26an, ortzeguna, ikasturteari ongi etorria emateko Lizuniagara joan ginen eskolako ikasle eta irakasle guztiak. Eguraldia lagun, gustura baino gusturago ibili ginen.
ARGAZKIAK
Comments are closed.
ERRE BOTIKA
Pasa den ostegunean, ekainak 20, Mertxek 4. mailako ikasleei bere etxeko ateak ireki zizkigun. Bertan “Erre Botika” ukendua nola egiten den ikusi eta ikasteko aukera izan genuen. Bere esperientzia pertsonala entzun ondoren, Zumalakarra (arbol madarikatua) zuritzeari ekin genion. Ondoren, Mertxek behar genituen osagarri guztiak prest zituenez, ukendua pausoz pauso nola egin behar den azaldu eta erakutsi zigun.
Azkenik hamaiketako ederra atera zigun mahai gainera. Guztia musu-truk!
Oso gustura egon ginen, etxera bapo eta besapean ukendu potetxo batekin itzuli ginen.
Mila esker Mertxe! Bejondeizula!
ARGAZKIAK
Comments are closed.
AZKEN EGUNEKO BESTA
Pasa den ostiralean, ekainak 21, azken eguneko besta ospatu genuen eskolan eta 6. mailakoei agurra egin genien.
Hementxe dituzue argazkiak ikusteko lotura eta jaialdiko bideoa.
ARGAZKIAK
Comments are closed.
KANPALDIA HONDARRIBIAN 2018/19
Pasa den asteko asteazkenetik ostiralera, maiatzaren 29tik 31ra, 2. zikloko ikasle eta irakasleak Hondarribiara bizikletaz joan ginen. Eguraldi bikainak hondartzaz gozatzeko eta itsasontzian itsaso zabalera ateratzeko aukera eskaini zigun. Elkarrekin 3 egun pasa ondoren, ostiralean bizikletaz itzuli ginen. Primeran pasa genuen!
ARGAZKIAK
Comments are closed.
MUGAZGAIN 2018/19
Urtero bezala, ikasturte honetan ere, Mugaz Gain antzerki topaketa ospatu da. Gure ikastetxetik hiru antzezlan prestatu eta eskaini ditugu: 2. maila A taldeak (Arantxa Mitxelenarekin), 4. mailak (Maria Agirre eta Gorka Rodriguezekin) eta 6. mailak (Maite Blancorekin). Eskolako gainerako ikasle eta irakasleek ikusle moduan parte hartu dugu eta primeran pasa dugu. Mila esker egindako lan guztiagatik!
ARGAZKIAK
BIDEOA ( LH4 )
Comments are closed.
BARATZEAN
Pasa den maiatzaren 3an eskolako baratzean letxugak landatzen aritu ginen. Lehenik lurra ureztatu genuen, lehorra zegoelako, ondoren zuloa egin eta azkenik letxugak landatu genituen. Binakako elkarlanean primeran moldatu ginen eta oso gustura aritu ginen.
Maiatzaren 6an berriz, eskolako sukaldeko sarreran beste hainbat letxuga landatu genituen, hauek lur eremu txikitxo batean eta loreontzietan sartuz.
Letxugak aitzinera ateraz gero, uzta bildu eta etxean dastatzeko aukera izango dugu, baina lasai! zuek ere jantokian dastatzeko aukera izango baituzue.
Eskerrak eman nahi dizkiogu: Jose Maderari baratza prest uzteagatik, Belen sukaldari apartari letxugak eta lurra eskolara ekartzeagatik eta Xulufraia fundazioari ekintza babesteagatik.
ARGAZKIAK
Comments are closed.
2018/19 3. ETA 4. MAILAKOAK DONOSTIARA PATINATZERA
Martxoaren 1ean, ostirala, 3. eta 4. mailako ikasleak Donostiara patinatzera joan ginen. Irunetik Donostiara topoz joan ginen, hamaiketakoa egin eta Txuri Urdin izotz jauregira joan ginen. Bertan, bi monitore zain genituen, Tania eta Mikel, eta beraiekin bi orduz patinatzen eta gauza berriak ikasten aritu ginen. Bazkaldu eta gero autobusa hartu eta Berara itzuli ginen. Primeran pasa genuen.
ARGAZKIAK
Comments are closed.
INAUTERIAK 2019
Pasa den Otsailaren 28an, Ortzegun gizen eguna ospatu genuen eskolan.
Goizean Lehen Hezkuntzako ikasleak eskean ibili ziren herrian barrena. Arratsaldean berriz Piratak agertu ziren eskolan. Iñude eta artzaiak ere egon ziren bere konpartsa lagun zutela.
ARGAZKIAK
Comments are closed.
OLENTZERO & MARI DOMINGI 2018
Abenduaren 21ean, eta 24ko gauean etxeetatik pasa aurretik, Olentzero eta Mari Domingi eskolan egon ziren. Opariz kargatua ekarri zuten astoa, eta guk ordainean, sukaldeko langileek prestatutako gosari ederra, kantak, besarkadak eta musuak eskaini genizkien.
ARGAZKIAK
Comments are closed.
EUSKARAREN EGUNA 2018
Abenduaren 3an Euskararen nazioarteko eguna opatzen da. Horren arira Abenduaren 5ean eskolan hainbat ekintza egin genituen. Tartean Ei txo! etorri zen bisitan eta altxorraren bila ere ibili ziren gure ikasleak. Txikienek jolas kooperatiboak egin zituzten. Belen sukaldariak gosari ederra prestatu zuen , eta ondotik elkarrekin Euskaraokea egin genuen.
ARGAZKIAK
Comments are closed.
LESAKAKO FERIAK 2018
Pasa den osteguna, azaroak 22an, 4, 5 eta 6. mailako ikasleak, Lesakako feria bisitatu genuen. Udazken kolorez jantzitako Otsangoko bide ederretik, oinez joan ginen, ibaia hainbatetan zeharkatu ondoren, Lesakara iritsi ginen. Bertan, primeran pasa genuen, jende artean murgilduz, merkatuan hainbat erosketa eginez, animaliak ikusiz, bertsoak entzunez eta jende ezaguna ikusiz. Azkenik, Berara oinez itzuli ginen, oraingo honetan trenbide zaharretik. Eguraldi bikaina izan genuen eta oso ongi pasa genuen.
ARGAZKIAK
Comments are closed.
LIZUNIAGA 2018
Urtero bezala, aurten ere Lizuniagara irteera egin dugu. Irailaren 27a izan zen aukeratutako eguna. Beti bezala, Lehen Hezkuntzako ikasle eta irakasleek oinez egin zuten ibilbidea, eta ttikiek berriz, autobusez egin zuten joan-etorria. Hagitz eguraldi ederra egin zuen, eta primeran pasa genuen. Azpiko loturan argazkiak aurkituko dituzue.
ARGAZKIAK
Comments are closed.
ZINEMALDIA
Irailaren 21ean, Ricardo Baroja eskolako Lehen Hezkuntzako ikasle guztiak, Donostiako Zinemaldira joan ginen. “Paddington 2” abenturazko pelikula ikusi genuen eta asko gustatu zitzaigun. Ondoren, autobusa hartu eta hondartzara joan ginen. Hondartzan, arean jolastu eta bainatu ginen, olatu handiak zeuden. Primeran pasa genuen.
ARGAKIAK
Comments are closed.
KANPALDIA 2. ZIKLOA LIZARRA
Maiatzaren 23, 24 eta 25an Lizarran egon gara, Iratxe kanpinean. Eguraldiak gehiegi lagundu ez badigu ere, antolaturik genituen ekintza guztiak egin ditugu. Piraguan ibili gara, eskalada egin dugu eta kanpineko igerilekuan ere ibili gara.
Primeran pasa dugu.
ARGAZKIAK
Comments are closed.
ZUMAIA – 2. zikloa
Martxoaren 27an Zumaia bisitatu genuen. Eguzkiak gehiegi lagundu ez bazuen ere primeran pasa genuen. Bertako gidari baten azalpenei esker Flyschak ezagutu genituen. Itsasora ateratzeko aukerarik izan ez bagenuen ere, Urola ibaian zehar itsasontzian bueltatxo bat eman ahal izan genuen. Bestalde, arrantzaleen kofradia ere ezagutu genuen. Azkenik, parke batean bazkaldu eta jolastu genuen.
ARGAZKIAK
Comments are closed.
INAUTERIAK 2018
Azpiko loturan Ortzegun Gizen egunean egindako argazkiak aurkituko dituzue (argazki batzuk “erran.eus”-etik hartuak daude).
ARGAZKIAK
BIDE HEZIKETA
Pasa den urtarrilaren 29, 30 eta 31an bide heziketako saioak izan genituen eskolan foruzainen eskutik. Klase teorikoak eskolan entzun ondotik, Eztegara pilotalekuan prestatutako zirkuitoan bizikletekin ibiltzeko aukera izan genuen. Herritik ere ibilbidetxoa eginez, oinezkoak bezala nola jokatu behar dugun erakutsi ziguten.
ARGAZKIAK
EUSKARAREN EGUNA 2018 – LIPDUB
OLENTZERO ETA MARI DOMINGI
Abenduaren 22an, eta 24ko gauean etxeetatik pasa aurretik, Olentzero eta Mari Domingi eskolan egon ziren. Opariz kargatua ekarri zuten astoa, eta guk ordainean, sukaldeko langileek prestatutako gosari ederra, kantak, besarkadak eta musuak eskaini genizkien.
ARGAZKIAK
Comments are closed.
DONOSTIARA IRTEERA – 2.ZIKLOA
Abenduaren 7an, bigarren zikloko ikasleak Donostiara joan ginen Zientzia Museoa bisitatzera. Bertan, 4.mailakoek planetariumean espazioarekin lotutako saiotxoa izan zuten eta 3.mailakoek berriz animalien tailerra egin zuten. Ondoren, denok elkarrekin museoa bisitatu genuen eta irteera bukatzeko parke polit batera, bazkaltzera eta jolastera, joan ginen. Eguraldiak lagunduta egun aparta izan zen.
ARGAZKIAK
Comments are closed.
EUSKARAREN EGUNA
Abenduaren 3an Euskararen Nazioarteko Eguna ospatzen da. Eskolan abenduaren 5ean ospatu genuen. Lehenbiziko, guztion artean “lipdub”-a grabatu genuen (prest dagoenean zintzilikatuko dugu). Ondoren, Belen sukaldariak prestatutako euskal pastela eta gailetekin tripa ongi bete, eta eskolako jangelan karaokea izan genuen. Arratsaldean berriz, lehen hezkuntzako ikasleek Kultur Etxean “Ballerina” izeneko pelikula ikusten egon ziren bitartean, Haur Hezkuntzako ikasleak eskolan bertan gelditu ziren bertze pelikula bat ikusten Musika Gelan.
ARGAZKIAK
Comments are closed.
XORROXIN IRRATIA ESKOLAN
Ondorengo loturetan saioen grabazioak.
LH 6. maila A – XOMORROAK
LH 6. maila A – PITUFOAK
LH 5. maila
LH 6. maila B – I
Haur Hezkuntza
LH 1. maila
LH 2. maila
LH 6. maila B – II
LH 6. maila A – BIZIAK
Comments are closed.
ZIMENALDIA 17/18
Pasa den irailaren 27an Lehen Hezkuntzako ikasleak Donostiako Zinemaldian egon ziren. Belodromoan “Printze Txikia” pelikula ikusi zuten lehenik, eta eguraldi ederra egin zuela probextuz, Ondarretara joan ziren gero hondartzara. Beheitiko loturan argazkiak aurkituko dituzue.
ARGAZKIAK
Comments are closed.
LIZUNIAGA 17/18
Pasa den irailaren 21ean Lizuniagara egindako irteerarekin jartzen dugu martxan ikasturte honetan berriro ere eskolako web gunea. Urtero bezala, haundiek oinez egin zuten joan-etorria, eta ttikiek berriz, autobusez. Aurten eguraldi ederra izan genuen gainera. Azpiko loturatik argazkiak ikusi ahal izango dituzue.
ARGAZKIAK
Comments are closed.
AZKEN EGUNEKO BESTA 16/17
Ekainaren 20an, ikasturteari amaiera emateko, azken eguneko besta ospatu genuen. Lehenbiziko, pilotalekuan dantza saioa ikusteko aukera izan genuen. Ondoren, Belen sukaldariak eta bere laguntzaileek prestatutako gosari goxoarekin indarrak berritu, eta 6. mailakoei agurra egin genien.
ONGI PASA UDA ETA IRAILA ARTE!!
ARGAZKIAK
Comments are closed.
HONDARRIBIA – LH 2. ZIKLOA
Pasa den maiatzaren 24an Hondarribira joan ginen. Tren bide zaharretik bizikletaz Hendaiaraino eta Bertatik Hondarribira itsasontziz. Eguzkiaren eta lagunen berotasunean primeran pasa genuen.
ARGAZKIAK
Comments are closed.
LARUN – 17
Pasa den apirilaren 7an, eskolako 4., 5. eta 6. mailako ikasleak Larunera joan ziren oinez. Azpiko loturan argazkiak aurkituko dituzue.
ARGAZKIAK
Comments are closed.
IÑAUTERIAK 17
Pasa den otsailaren 23an Ortzegun Gizen eguna ospatu genuen. Goizean, Lehen Hezkuntzako 2. eta 3. zikloko ikasleak eskean ibili ziren etxez etxe, herriko auzo desberdinetatik bananduta. Arratsaldean berriz, urteroko desfilea egin zen. Haundiak, beti bezala, inude eta artzaiak bezala mozorratu ziren, eta ttikiak berriz, aurten aukeratu zuten gaia ITSASOA izan zen. Azpian egun horretako argazki pila aurkituko dituzue
ARGAZKIAK
Comments are closed.
ARTIC – UHARTE – LH 2. ZIKLOA
Lehengo asteartean, abenduaren 20an, 3. eta 4.mailako ikasleak, autobusez, Uharteko herrian dagoen Artic izeneko izotz jauregira joan ginen. Bertan izotz gainean patinatzen aritu ginen, guztiok probatu genuen gure larrutan zeinen hotza dagoen bertako lurzorua. Ondoren, inolako lesiorik gabe, Uharteko parke batera joan ginen jolastu eta bazkaltzera. Primeran pasa genuen.
ARGAZKIAK
Comments are closed.