Lehengo ostiralean, gurera ere iritsi zen korrika giroa. Eskolan aritu ginen “ttipi-ttapa” euskararen alde, guztiok elkarrekin. Ei txok ekarri zuen lekukoa, eta amaitzerakoan gela guztiek euskararen aldeko konpromezua sinatzeko proposamena zabaldu zuen. Frontoian amaitu genuen, “hitzekin” dantzan. Eta eguna borobiltzeko, hamaiketako ederra!!
Apirilaren 2an Autismoaz Kontzientziatzeko Munduko Eguna ospatzen da. Eskolan ere egun horretaz oroitu gara.
Martxoaren 8aren harira, gure eskolak bat egin du Emakumearen Nazioarteko Egunarekin. Ekintza desberdinak burutu ditugu, besteen artean puntu morea osatu dugu eskolako patioan.
Gela alternatibotik, aurten ere igerilekura eta zalditegira joaten jarraitzen dugu. Asteazkenero Lesakako igerilekuan saioa dugu, eta bertan anak proposatutako jolasekin primeran pasatzen dugu. Ortziraletan berriz, Arizkungo Ordoki zalditegira joaten gara, eta bertan , Alejandro eta Erikak erakusten dizkigute zaldiekin egin beharreko ariketak. Zaldiak “Morkots” eta “Rubio” izena dute. Azpiko loturan klikatuz, argazkiak ikusi ahal izango dituzue.