AZKEN EGUNEKO BESTA
Pasa den ostiralean, ekainak 21, azken eguneko besta ospatu genuen eskolan eta 6. mailakoei agurra egin genien.
Hementxe dituzue argazkiak ikusteko lotura eta jaialdiko bideoa.
URTEKO AZKEN BISITA ZAHAR ETXERA
Dakizuen bezala ikasturte osoan zehar San jose zahar etxean izan gara bitan 5.mailako ikasle eta irakasleak. Pasa den ekainaren 6an aurtengo azken bisita egin genuen eta bidenabar bigarren mailako ikasleek egindako lorategi berexia eraman genien opari, elkarrekin pasatako momentu ahaztezinen oroigarri…
ARGAZKIAK
MUGAZGAIN 2018/19
Urtero bezala, ikasturte honetan ere, Mugaz Gain antzerki topaketa ospatu da. Gure ikastetxetik hiru antzezlan prestatu eta eskaini ditugu: 2. maila A taldeak (Arantxa Mitxelenarekin), 4. mailak (Maria Agirre eta Gorka Rodriguezekin) eta 6. mailak (Maite Blancorekin). Eskolako gainerako ikasle eta irakasleek ikusle moduan parte hartu dugu eta primeran pasa dugu. Mila esker egindako lan guztiagatik!
ARGAZKIAK
BIDEOA ( LH4 )
ZUHATZA 2018/19
Maiatzaren 14tik 17ra 3.zikloko ikasle eta irakasleak Zuhatza irlako aterpetxean egon ginen. Hemen duzue argazki sorta bertan bizi izan genuena imajina dezazuen.
Lehenengo egunean, Zuhatzara joan baino lehen, Añanako Gatz Arana bisitatu genuen. Bertan, gida batek hango historia azaldu zigun ibilbide bat egiten genuen bitartean. Ondoren gatza nola biltzen zuten praktikatuz ikasteko aukera izan genuen.
Bazkal ondoren itsasontzia gure bila etorri zen irlara joateko.
Hurrengo hiru egunetan ur-kirolak praktikatzeko aukera izan genuen eta bitartean kanpaleku zoragarria konpainia onean gozatu genuen.
ARGAZKIAK
BISITARI ESKOLAN
Eskolako 5. mailako ikasleak hilean behin Berako Zahar Etxera joaten gara. Oraingo honetan gurpildun aulkian hartu eta eskolaraino ekarri genituen. Bertan gosari goxo-goxoa prestatu zieten gure sukaldariek.