2025 EGUBERRIAK
2025 urteari agurra emateko, Olentzero eta Mari Domingiren bisita izan genuen. Zenbait kanta abestu genizkien eta beraiek opariak banatu zizkiguten. Jantokian prestatutako txistorra pintxoen konpainian, ederki pasa genuen goiza.
IRRISARRI
Ikasturte honetan kanpaldira ohikoa baino lehen joan ginen. Abenduaren 16an Bortziriko eskola gutziak Irrisarrin elkartu ginen. Ekintza dezente egin, jolastu, solastu… ederki pasa genuen, Toki Onan ikusiko dugu elkar.
IRRATSAIOA
Kirolen mundu zabala gehiago ezagutzeko hemen duzue 5. mailakoek egindako irratsaioa. Espero dugu zuen gustokoa izatea.5. mailako ikasleak
GAU BELTZA
Trapu zaharrak ateri,
itzalitako kalabazak pixtu,
gure beldurrak partekatu,
ganbarako istorioak kontatu,
“Marauxa, Marauxa!” kantatu,
beldurrak sutan erre,
gaztainekin barrenak berotu.
TRENA BEZALA BAINA BIZIKLETAN
Urriaren 10ean, 5. eta 6.mailako ikasle eta irakasleak, bizikletaz eta Bidasoako trenbide zaharretik, Hendaiako Beltzenia parkera joan ginen. Bertan jolastu eta bazkaldu ondoren Berara bueltatu ginen. Eskerrak Iosu Ostizi eskainitako laguntzagatik. Eguraldia lagun, ederki pasa genuen.