SALTO TA SALTO
Joan den azaroaren 21ean, lehen zikloko ikasleok Iruñean pasa genuen eguna. Lehenengo Salting-a bisitatu genuen, eta gero, eguraldiagatik hiria bisitatu ezin genuenez, Autobus Geltoki zaharrean bazkaldu eta jolastu genuen.
NILSA
Otsailaren bukaeran eta martxoaren hasieran NILSAko bi lagun etorri ziren eskolara uraren erabileraz hitz egitera. Lehenengo egunean Xantelerrekako urak aztertu genituen eta zentzumen jolas batzuk egin genituen. Bigarren egunean, berriz, uraren ibilbideaz aritu ginen, baita bere erabileraren garrantziaz ere.
ZUHAITZAK LANDATZEN
Pasa den ostegunean, martxoak 7, hirugarren zikloko ikasle eta irakasleak sekuoiak landatzera joan ginen, Intzolara. Ekintza hau Berako udalak, Rural Kutxarekin batera, antolatu zuen. Hantxe elkartu ginen udaletxeko basozain den Urtzirekin, proiektuaren arduraduna den Mikel Leizarekin eta Rural Kutxako bi ordezkarirekin.
Eguraldia lagun, aktibitatea arrakasta handiz burutu genuen.
INAUTERIAK
Joku Olinpikoen urte honetan ere, Inudeek eta Artzaiek herriko ohiturari jarraipena eman diogu, ortzegun-gizenean. Eskolako sukaldariek prestatutako bazkari goxoarekin energiaz beteta aritu gara kantuan eta dantzan.
Txikienek kirol modalitate ezberdinetan hartu dute parte; urrezko, zilarrezko eta brontzezko domina ugari erakutsi dizkigute.
Aita Joxepe eta bere bi laguntzaileak ere agurtu ditugu.
Primeran aritu gara.
BIDE-HEZKUNTZA
Abenduko azken astean zehar Lehen Hezkuntzako ikasle guztiek Foruzaingoek antolatzen duten bide-hezkuntzako programan parte hartu genuen. Programak bizpahiru atal izan zituen, adinaren arabera: lehenik, ikasgelan, oinezko, ibilgailu bateko bidaiari eta bizikleta-erabiltzaile gisa, oinarrizko arauak errepasatu genituen. Gero, kalean, galtzada oinezkoentzako pasabidetik nola zeharkatu behar duten berrikusi genuen. Eta, amaitzeko, frontoira joan ginen, bertan antolatutako zirkuito batean ikasitakoa praktikatu ahal izan genuen.