Joan den apirilaren 11n, ikasleak eta lehen zikloko irakasle batzuk Bertizko parke naturalean izan ginen. Han, gida baten laguntzaz, parkearen zati batean ibili ginen eta inguruko zuhaitzak eta txoriak arretaz ikusi ahal izan genituen. Bazkaldu ondoren, jolas-denbora bat izan genuen parkeko jolas-gunean. Primeran pasatu genuen!
Pasa den martxoaren 14ean Ricardo Baroja eskolako 5. eta 6.mailako ikasle eta irakasleak, Santa Barbara mendira igo ginen zuhaitzak landatzera; hirurogei bat Haritz landatu genituen. Udaletxeko basozaina den Urtzi eta udaletxeko ordezkari moduan Patxi, gu gidatu eta laguntzera etorri ziren. Putzu eta lokatz artean, bidea motza eta dibertigarria iruditu zitzaigun. Ederki pasa genuen.
Joan den otsailaren 14an, 3. mailako ikasleek modeloen desfilea egin zuten ingeleseko saioan; izan ere, arropen gaia landu dute. Bikotekide batek mikrofonoa hartu eta bertzeak soinean zeramana azaltzen zuen bitartean, bertzea alfonbra gorriaren gainean ibili zen harat eta honat. Hagitz ongi pasatu genuen!
Otsailaren 28an, 5. eta 6.mailako ikasle eta irakasleak, goizean-goiz Bilbora abiatu ginen. Bertan, Bizkaiako Zubira igotzeko aukera izan genuen, gero metroz San Mameseraino joan ginen eta bertatik paseo bat emanez Guggenheim museora. Oporren bezpera egun itzela.
Otsailaren 28an, lehen zikloko ikasle eta irakasleak Donostian izan ginen. Eureka Zientzia Museoa bisitatu genuen eta bertan hainbat tailerretan parte hartu genuen:
1. mailako ikasleek LEGO Robotika I eta ANIMALIAK: BAZENEKIEN…?
eta 2. mailakoek berriz, PLANETARIUM Y LEGO Robotika I.
Bertan bazkaldu genuen eta gero, parke batera joan ginen, aire zabalean jolasteko. Primeran pasatu genuen!