Ikasturtea bukatzear, 3.zikloko ikasleek, proiektuarekin lotuta azken irteera egin genuen.
5. mailako ikasleak, Elizondoko gasnategira, gasna egitera, eta Elizondoko eskolan dagoen baratza eta oilotegia ikustera joan ginen.
6. mailako ikasleak, aldiz, Zugarramurdiko baratze ekologiko bat eta Zugarramurdiko Sorginen Museoa bisitatu zuten.
Eguraldi bikainarekin, ederki pasa genuen eguna.
Maiatzaren 22an eta 23an Hondarribian izan ginen lehen zikloko ikasleak eta irakasleak. Ostegunean Hondarribiko alde zaharra bisitatu genuen eta bazkalostean hondartzara jaitsi ginen, bainatzera eta jolastera. Ostiral goizean badian paseoa eman genuen itsasontziz eta bazkaldu ondotik Berara itzuli ginen. Primeran pasatu genuen!
Ikasturtea bukatzear da eta kanpaldian elkarrekin egon gara Bortziriko 3.zikloko ikasle eta irakasleak. Eguraldiak gehiegi lagundu ez bazuen ere, uretako ekintzak egiteko aukera izan genuen, beste gauzen artean. Primeran pasa dugu, eta topaketa errepikatzeko gogoz itzuli gara etxera.
Gorputza eta ohitura osasuntsuak proiektuarekin lotuta, 5.mailako ikasleek, Ixiar Andueza dietistaren bisita jaso genuen. Janari mota ezberdinei buruz solastu eta galdera batzuk erantzun eta gero, gosari osasuntsu bat dastatzeko aukera izan genuen. Oso goxoa zegoen.
Aurtengo ikasturte honetan zehar ere, 3.zikloko ikasleek, San Jose Zahar-Etxera hainbat bisita egin ditugu. Ikasturtea bukatzeko haiek gurera etorri ziren hamaiketako hartzera. Jantokian hamaiketako ederrak prestatu zituzten eta ederki ibili ginen guztiok.