Lehenengo mailakoek eguraldi zoragarria izan genuen ostiralean, Xuberoa baserri eskolan. Animaliekin eta naturarekin gozatu genuen. Bertan ikasgai pedagogiko interesgarriak eman zizkiguten, esaterako: gaztelerazko 3 erre hauen garrantzia (reduce, reutiliza, recicla), laugarren erre bat ere martxan abiarazi behar dugu, repara.
Gutxitu, berrerabili, birziklatu eta konpondu, natura zaintzeko modu eder bat.
Urtero bezala, apirilaren 23an, Liburuaren Eguna ospatu nahi izan genuen, ikasleak elkartu eta nahasteko aukerarik izan ez arren. Argazki eta bideoetan ikusi ahal izango duzuenez, geletan eginiko jarduerak anitzak izan ziren, beti ere irakurzaletasunan sustatu nahian.
Joan den ortzegunean, apirilaren 22an, 5. mailako ikasleek Bide Seinaleak ikasteko zirkuitu bat margotu zuten eskolako frontoian, 2. mailakoek gelan ikasitakoa praktikan jar zezaten. Elkarlan polita izan zen.
Lehengo larunbatean, familia eta irakasle talde bat bildu ginen ilusioz beterik eskolari kolorea emateko asmoz. Sukaldeko lagunek hamaiketako mundiala eskaini ziguten eta musikaz lagundurik goiza polita pasa genuen.