SALTING
Joan den azaroaren 21ean, lehen zikloko ikasleok Iruñean pasa genuen eguna. Lehenengo Salting-a bisitatu genuen, eta gero, eguraldiagatik hiria bisitatu ezin genuenez, Autobus Geltoki zaharrean bazkaldu eta jolastu genuen.
Babestuta: 2023-24 SALTING
HALLOWEEN
Aurten ere Halloween eguna dela-eta ingeleseko irakasleok kalabaza lehiaketa antolatu dugu eskolan. Ikasleek guztira 32 kalabaza aurkeztu dituzte, zein baino zein originalagoa eta beldurgarriagoa: sorgin itxurakoak, Frankenstein bezalakoak, koloretakoak… Astebete erakusgai egon ondoren, ikasle eta irakasleen artean botaketa egin dugu. Irabazlea bigarren mailako Alvaro Lanau izan da. Zorionak, Alvaro!
BIRZIKLAI ARTELANAK
Eskolako 5. mailako ikasleak, Lurrraren Eguna eta Auzolanaren inguruko proiektua egiten ari dira. Herrian zabor bila atera dira eta aurkitutako hainbat zaborrarekin hainbat eskultura egin dituzte. Auzolanaren inguruan eta natura nola zaindu gehiago jakiteko, gelatik hainbat pertsona pasatu dira: Aitor Elexpuru, alkatea, Urtzi Garaitar, basozaina, Laida eta Robet, Bidasoa ibaiaren garbiketa antolatu duen Recicla-Berziklatu elkartearen kideak, Maite Sanz, Zahar Etxeko boluntarioa, Axi Del Pozo, Ibardingo igoera antolatzen duen eta 80 boluntario koordinatzen duen taldearen kidea… ta oraindik bertze batzuk ere pasako dira.
GAU BELTZA
Antzinatik datorren ohitura berreskuratuz, gaurkoan Gau Beltza eguna ospatu dugu eskolan. 4.mailako ikasleok, Gau Beltza gaia izeneko proiektua landu dugu azken hilabete hauetan, eta proiektuari amaiera emateko, eskolako ganbaran zenbait jarduera antolatu ditugu. Horretarako trapu zaharrak erabiliz mozorrotu gara, eta jolas garaian, hamaiketako moduan, gaztainak jateko aukera ere izan dugu.
Egun atsegina pasa dugu, eta hagitz gustura aritu gara.