Joan den azaroaren 23an 2. zikloko ikasle-irakasleak Zestoara joan ginen. Bertan, Ekainberri museoa ezagutu genuen. Historiaurrea gaia lantzen ari gara gelan, eta hori aitzakiatzat hartuta, bertako kobazuloaren erreplika ikusi genuen. Horrez gain, garai hartan sua nola egiten zuten ikasteko tailer bat egin genuen. Museoko bisita bukatu ondoren, herriko plazan bazkaldu genuen eta jolastu ginen. Egun ederra pasatu genuen!
Lehen Hezkuntzako 3.zikloko ikasleak, azaroaren 23an ospatzen den, Lesakako Ferian egon ginen. Hotza egiten bazuen ere, oinez joan etorria egin genuenez, ederki berotu ginen. Lesakako karriketan ere jende eta lagun artean ez genuen hotzik pasa, hori jendetza… Primeran pasa genuen.
Emakumeen kontrako indarkeriari gure gaitzespena adierazteko, adinaren araberako lanketa ezberdinak egin ditugu norberaren gelan. Guztiok egin dugun ariketa bat baina, harri bana apaintzea izan da.
Harri horiekin osatutako ikurraren inguruan, talde argazkia atera dugu eta ondoren gure harriak eskolan kontzeko, gure “basoaren” ertz batean kokatu dituzte. Ea fruiturik ematen duten… Gutako batzuk nola egiten zuten ikusi dugu, helduak lan egiten ikustea ere atsegin baitugu. Oso polita geratu zaigula iruditzen zaigu. Ideia bikaina.
Sare sozialen arriskuei buruz informazioa ematera etorri zitzaigun Aitor. Talde bakoitzak lau saio eskaini zizkion eta hainbat ekintza egiteko aukera izan genuen. Gure esperientziei eta ezagutzen ditugun esperientziei buruz solastu, jolastu eta zenbait bideo ikusi genituen. Gauza larriak gerta daitezkela ikusi dugu behintzat, hamaika kontu atera ziren…
Oso aberasgarria izan da eta mila esker Aitor.
Joan den azaroaren 21ean, lehen zikloko ikasleok Iruñean pasa genuen eguna. Lehenengo Salting-a bisitatu genuen, eta gero, eguraldiagatik hiria bisitatu ezin genuenez, Autobus Geltoki zaharrean bazkaldu eta jolastu genuen.