IÑAUTERIAK 2020
Urtero bezala Ortzegun Gizen egunean, bazkaldu ondoren, herrian barna ibili ginen. Eskolako txikienak mexikar bihurtu ziren eta handienak Inude eta Artzai. Aurtengoan eguraldi aparta izan genuen.
SOINUA IRATZARRI
Aurrera goaz Soinua Iratzarri proiektuarekin . Martxoaren 5ean soinu paisai bat sortu genuen gure inguruari musika jarriz.
ANTZERKIAN
Urtarrilaren 9an, Esther Carrizok eta Araitz Bizkaik antzeztutako “En transito” obra ikustera joan ginen. Heriotzari buruzko hausnarketa interesgarria bezain beharrezkoa.
EGUBERRIETARAKO ENTSAIOAK
IDAZLEAK ESKOLAN
Ikasturte honetan ere 2.zikloko ikasleek “Idazleak Eskolan” programan parte hartu dugu. Abenduaren 5ean Jokin Mitxelena ilustratzaile eta idazlearen bisita izan genuen. Egun horretarako ikasleek “Puka, erleak eta traktorea” liburua irakurri eta komentatua genuen. Ikaslegoa bi saiotan banatu zen, lehenengoan 3.mailakoak eta bigarrenean 4.mailakoak. Bietan Jokinen lanari buruz solastu genuen eta opari bezala zenbait marrazki egin zizkigun. Azkenean ikasle bakoitzaren liburua sinatu eta eskatutako marrazkia egin zuen. Saio oso polita izan zen eta Pukaren hurrengo abentura irakurtzeko irrikitan gaude.