Aurtengo eguberrietan ere Olentzero etorri zitzaigun “Belarri-luze” astoaz lagundurik. Mari Domingi gaixua konfinatua geratu behar izan zuen, horrelaxe gabiltza denak, ezta? Hala ere pozik abestu genien eta hitz eta pitz aritu ginen. Baita opariak jaso ere!
Lehenenengo hiru hiletan 6. mailako ikasleek gorputza nolakoa den ikertu dute: gorputz aparatu eta organoak, funtzioak, nola zaindu… Gorputzaren ezinbesteko aspektu bat sexualitatea da. Gai honen inguruan duten jakinmina ere asetzen saiatu gara. Hamabostean behin, Maddi Irazokirekin dugun Arte Hezkuntza saioan ere gorputzaren inguruan aritu gara.
Pasa den ostiralean urriaren 1ean, 3.zikloko ikasleak, urtero bezala, Hendaiara joan ginen bizikletaz. Eguraldi aparta izan genuen, zorionez, eta kirola egiteaz gain primeran pasatu genuen. bidean baita hondartzan.
Eskolako baratzatxo berria martxan jartzeko beharrezko prestaketen ondoren, espero dugu garaiz, garaian garaikoa landatzeari ekin diogu; mota ezberdinetako urazak, tipulak, eskarolak, azak, azelgak, peiak eta romaneskoak. Ea landatutakoei beharrezko arreta eskainiz uzta goxoak jantokian dastatzeko aukera dugun. Ikastetxeko talde ezberdinek parte hartu dugu oraingoan eta guztion partez eskerrak eman nahi dizkiegu, guraso elkarteari eta Xulufraia fundazioari ekimena babesteagatik.
Joku olinpikoak ospatzen diren urteak seinalatuak izaten dira. Zazpi kirol ezberdin, zazpiak ere nahikoa bereziak. Ezagutu dugun ikasturte bereziena arrakasta handiz gaindituta, eskolako ikasle guztiek merezi izan dute urrezko domina. Ikusi nola lehiatu ziren gure eskolako ikasleak azken egun seinalatu honetan.