Urtero bezala, aurten ere Lizuniagara irteera egin dugu. Irailaren 27a izan zen aukeratutako eguna. Beti bezala, Lehen Hezkuntzako ikasle eta irakasleek oinez egin zuten ibilbidea, eta ttikiek berriz, autobusez egin zuten joan-etorria. Hagitz eguraldi ederra egin zuen, eta primeran pasa genuen. Azpiko loturan argazkiak aurkituko dituzue.
Pasa den ostiralean, maiatzak 18, haur hezkuntzako 3 urteko ikasle eta irakasleok Bertizera joan ginen. Lehenengo hamaiketakoa egin eta jolasak egin bidenabar parkea ikusten joan ginen. Ondoren bazkaldu eta jolas librea izan genuen. Eguraldiak lagundu zigun eta ederki pasatu genuen.
Haur Hezkuntzako 4 eta 5 urteko ikasleak, maiatzaren 10 eta 11n Irrisarri Land-era gau bat pasatzera joan ginen. Bi egun horietan ekintza ugari egin genituen: Baxiren eskulanak, zentzumenen ibilbidea, mitologiako ibilbidea, parketik trenean ibili ginen, bertako jolastokian jolasean aritu ginen eta gauean diskofesta izan genuen…
Pasa den irailaren 21ean Lizuniagara egindako irteerarekin jartzen dugu martxan ikasturte honetan berriro ere eskolako web gunea. Urtero bezala, haundiek oinez egin zuten joan-etorria, eta ttikiek berriz, autobusez. Aurten eguraldi ederra izan genuen gainera. Azpiko loturatik argazkiak ikusi ahal izango dituzue.
Ekainaren 20an, ikasturteari amaiera emateko, azken eguneko besta ospatu genuen. Lehenbiziko, pilotalekuan dantza saioa ikusteko aukera izan genuen. Ondoren, Belen sukaldariak eta bere laguntzaileek prestatutako gosari goxoarekin indarrak berritu, eta 6. mailakoei agurra egin genien.
ONGI PASA UDA ETA IRAILA ARTE!!