Martxoaren 1ean, 5 eta 6. mailako ikasleak Iruñera joan ginen. Hango Planetariumean Amama Lurra proiekzioa ikusi ondoren, bazkaldu eta Izotz Pistan patinatzen ibili ginen, pare bat orduz. Eguraldi bikaina eta jardueretan primeran pasatu genuen.
Martxoaren 1ean, ostirala, 3. eta 4. mailako ikasleak Donostiara patinatzera joan ginen. Irunetik Donostiara topoz joan ginen, hamaiketakoa egin eta Txuri Urdin izotz jauregira joan ginen. Bertan, bi monitore zain genituen, Tania eta Mikel, eta beraiekin bi orduz patinatzen eta gauza berriak ikasten aritu ginen. Bazkaldu eta gero autobusa hartu eta Berara itzuli ginen. Primeran pasa genuen.
Pasa den Otsailaren 28an, Ortzegun gizen eguna ospatu genuen eskolan.
Goizean Lehen Hezkuntzako ikasleak eskean ibili ziren herrian barrena. Arratsaldean berriz Piratak agertu ziren eskolan. Iñude eta artzaiak ere egon ziren bere konpartsa lagun zutela.
Eskolako 5. mailako ikasleak Berako Zahar-Etxera joan ginen urtarrilaren 24ean. Bertako begiralea den Leirek Zahar Etxeko ezaugarriak azaldu zizkigun: mugikortasun murritza duten zaharrak nola garbitu eta mugitzen dituzten, nolako gelak dituzten, zeintzuk diren egiten dituzten aktibitateak… Azalpenaren ondoren, zaharrekin egon ginen denbora tarte txiki batez. Bai Leirek zein guk (irakasleok eta ikasleok) egiten dugun balorazioa, orokorrean, hagitz ona izan denez, hilean behin hurbilduko gara zaharrekin egoteko eta eurekin batera hainbat aktibitatetan parte hartzeko: aste kulturalean, baratzean….
Abenduaren 21ean, eta 24ko gauean etxeetatik pasa aurretik, Olentzero eta Mari Domingi eskolan egon ziren. Opariz kargatua ekarri zuten astoa, eta guk ordainean, sukaldeko langileek prestatutako gosari ederra, kantak, besarkadak eta musuak eskaini genizkien.