RICARDO BAROJA ESKOLA
ROKODROMO & SALTING
Otsailaren 17an, 5. eta 6.mailako ikasle eta irakasleak autobusez Iruñea aldera joan ginen. Goizean Rokopolisen eskalatzen aritu ondoren, arratsaldean Salting Iruñara joan ginen. Ederki pasa genuen, bai ikasle zein irakasleek ere.
KIROLAK – JUDO
Otsailaren 7an, “kirolak” proiektuaren barruan, 6. mailako ikasleek Judo saio bat jaso zuten. Saio hau gure eskolako irakasle eta, aldi berean, gerriko beltza den Patxi Roldanek prestatu eta gidatu zuen.
IÑAUTERIAK
Ohitura zaharrei jarraiki, aurten ere Ortzegun Gizen egunean eta goxo bazkaldu ondoren, herrian zehar dantzan eta kantuan aritu ginen. Eskolako pinguino txikiak lehenengo, Inude eta Artzaiak ondoren. Ederki pasa genuen.
KIROLAK
6.mailako ikasleak lantzen ari drien Kirolak izeneko proiektuaren barruan, Nerea Sorondo eta Oier Larretxea aizkolariek, aizkora erakustaldia eskiani ziguten. Horrez gain, Herri Kiroletan aritzeko aukera izan zuten gure ikasleek. Mila esker Nerea eta Oier.
OLENTZERO ETA MARI DOMINGI
2022 urtea agurtzeko, astoaren arrimuan etorri ziren, Mari Domingi eta Olentzeroren bisita izan genuen. Ongi etorria emateko elkarrekin gabon kantak kantatu genizkien. Ondoren, Olentzero eta Mari Domingik gelarako opariak banatu zizkiguten eta zenbait ikaslek etxerako oparien eskaera egiteko eskutitzak eman zizkieten.
Gero, 3.zikloko ikasleek zozketa egin zuten, baita irabazleei telefonoz deitu ere.
Eguna bukatzeko eta ohiko moduan, jantokiko langileek txistorra pintxo goxoak eskaini zizkiguten.
Ederki pasa genuen eguna.
Berako txoko interesgarrien erakusketa
3.mailako ikasleek erakusketa bat antolatu dugu eskolan. Berako txokoak ezagutzeko egindako proiektuari bukaera emanez horrela. Erakusketa honetarako maketak sortu ditugu, aurretik ezagutu eta landu ditugun txoko interesgarri horiek irudikatuz. Erakusketa pasabidean ezarri dugu eta eskolako ikastalde guztiak gonbidatu ditugu ikustera. Oso gustora aritu gara lanean eta maketa ederrak eraiki ditugu.
Hona hemen gure erakusketaren argazki batzuk.
Happy new year!!!
2022 urteari bukaera eman behar diogun honetan, 4., 5., eta 6. mailako ikasleek urte berrirako nahiak eta desioak pentsatu eta idatzi dituzte. Ea betetzen diren!
EUSKARAREN EGUNA 2022
Aurten ere, Euskara eguna ospatzeko, eta euskaraldiari amaiera emateko, Eitxoren bixita berezia izan genuen. Hagitz egun polita pasa genuen.
Adin ezberdinetako ikasleek osatutako taldetan bildu eta altxorraren zati ezberdinen bila aritu ginen. Zati guztiak elkartzea lortu genuenean, hauxe irakurri ahal izan genuen: Euskara itsaso urdin eta zabal bat da, eta gurea da!
Ondoren, jantokian prestatu ziguten primerako hamaiketakoarekin, eta musikaz gozatuz, ospatu genuen
Eutsi hitzari, bultza ekimenarekin, orain da garaia! Ekin euskarari, 365 egun!
BERATIK ITZULIA
Ricardo Baroja eskolako hirugarren mailako 32 ikasle eta irakasleok, azaroaren 16an Beratik itzulia egin genuen. Ikasleek Berako txoko interesgarrien inguruan hitzegin ziguten, aurretik bildu zuten informazioa partekatuz. Gure herria gehiago ezagutu genuen eta goiz pasa ederra egin genuen.
DENOK ASKE BIZI NAHI DUGULAKO
Azaroaren 25ean Nazioarteko Emakumeen Kontrako Bortizkeria Desagertarazteko Egunaren harira, eskolan hainbat ekintza burutu ditugu emakumeek pairatzen duten bortizkeria salatzeko asmoz.
EUSKARALDIA HASI DA!
UDALETXEAN BISITAN
Ricardo Baroja eskolako laugarren mailako 22 ikasleak, urriaren 27an udaletxera joan ziren. Ikasleak alkatearekin egon ziren, eta eskaera bat egin zioten.
Aitor Elexpuru ezagutu zuten eta bere lanari buruzko galderak eta udaletxearen funtzionamenduari buruzko galderak egin zizkioten.
Lehendabizi bere lanari buruz erran zuen, hasieran Aitor zinegotzia izan zela eta orain alkate bezela egunero udaletxean egun osoz lan egiten duela baina egun libreak ere badituela.
Bestalde, Aitorrek esan zuen diru kopuru zehatz bat dutela (4 milioi euro) urtero herriko hobekuntzetan gastatzeko.
Azkenik, ikasleek herriko igerilekua konpondu eta txirrista jartzeko eskaera egin zioten agiri ofizial baten bidez. Eskaera udaletxeko erregistroan sartu zuten eta alkateari eskua emanta joan ziren.
HALLOWEEN
Halloween eguna dela-eta, aurten kalabaza lehiaketa antolatu dugu eskolan. Sekulako arrakasta izan du, 60 kalabaza aurkeztu baitira denetara, zein baino zein beldurgarriagoa eta originalagoa.
LIZUNIAGA
Bi urtez joan gabe egon eta gero, ohitura zaharrari heldu genion berriro ere. Pasa den ostegunean, irailaren 22an Lizuniagara igo ginen eskolako ikasle eta irakasle guztiak. Eskerrak bidea ahaztu ez dugun… Ederki pasa genuen bai bidean baita Lizuniagan bertan ere.
ZINEMALDIA 2022
Aurten ere Donostiako Zinemaldiarekin dugun hitzorduari kale egin gabe, Terra Willy: Planeta ezezaguna filmea ikusi genuen, 2. eta 3.zikloko ikasle eta irakasleak.
Ondoren, Ondarretako hondartzara joan ginen. Batzuk garraio publikoa erabiliz eta beste batzuk berriz oinez. Primeran pasa genuen, eguraldia lagun.
KAIXO 2022-23 IKASTURTEARI
Udako oporraldia atzean geratu dela eta ikasturte berriari heltzeko garaia iritsi da. Itzulera arinagoa egiteko asmoz eta eskolako kantaren konpainian, ongi etorri xume eta erakargarriagoa prestatu genuen. ONGI ETORRI 2022-2023 IKASTURTERA.
KURTSO BUKAERAKO BESTA
2021-2022 ikasturtea ongi bukatzeko, eskola osoa Afrikaraino joan ginen. Abentura zirraragarriak bizi eta dantzan aritu ginen. Primeran pasa genuen.
MUGAZ GAIN
A ze nolako ikuskizuna eskaini ziguten 4. mailako ikasleek. Zorionak artistak!