Lehen zikloko ikasleek Euskal Idazleen Elkarteak antolatutako “Liburuak gozagarri” programan parte hartu dute. Hala, martxoaren 25ean, asteazkenean, Jokin Mitxelena ilustratzailearen bisita jaso genuen, nola lan egiten duen erakusteko eta ikasleek irakurri duten azken liburuetako bat komentatzeko. Oso jarduera interesgarria eta irakasgarria izan da.
Joan den otsailaren 13an, Donostiako Izar Park parkera joan ginen Lehenengo Zikloko ikasle eta irakasleak. Goiza goiti eta beheiti pasatu genuen, elkarrekin jolasean. Primeran ibili ginen!
Joan den ostiralean, urtarrilaren 29an, 2. mailako ikasleek Foruzaingoak antolatutako bide-hezkuntzako jardueran parte hartu zuten.
Lehenik, klaseko hitzaldi txiki batean, segurtasun-arauak errepasatu zituzten, hala nola oinezkoenak, bidaiarienak edo zikloturistenak.
Gero, bizikletekin frontoira joan ziren Foruzaingoak montatua zuten zirkuitoan ibiltzera.
Primeran pasa zuten!
2025 urteari agurra emateko, Olentzero eta Mari Domingiren bisita izan genuen. Zenbait kanta abestu genizkien eta beraiek opariak banatu zizkiguten. Jantokian prestatutako txistorra pintxoen konpainian, ederki pasa genuen goiza.
Joan den abenduaren 18an lehenengo zikloko ikasle eta irakasleek Donostiako San Telmo museoa bisitatu genuen. Bertan, Zuloaga margolariaren lanak ikusi genituen, eraikina ezagutu genuen eta margoketa tailer bat egin genuen.
Bazkaldu ondotik, Cristina enea parkera jolastera joan ginen, eta primeran pasatu genuen.