HENDAIARA BIZIKLETAN – LH 3. ZIKLOA
Urriaren 7an, urtero egiten ohi dugun bezala, 3. zikloko ikasleak Hendaiara joan ginen bizikletaz. Eguraldia lagun, egun ederra pasa genuen.
TXIKI TXEF – MARTIKO
“Martiko”-k antolatutako Txiki Txef delako lehiaketan eskolako zenbait partaidek parte hartu zuten, eta 10-12 urte bitarteko mailan 1. saria ere lortu zuten.
Orain, Lurraren Egunean, postua jarriko dute Merkatarien Plazan, saridunak suertatutako hiru pintxoak borondatearen truke salgai jarriko dituzte. Postuan lortutako diruaren zati bat eskolarako izanen da.
Beheitiko loturan, bidali dizkiguten argazkiak ikusi ahal izango dituzue.
ARGAZKIAK
LIZUNIAGA 2016
Pasa den irailaren 27an urtero egiten dugun Lizuniagarako irteera egin genuen. Lehen Hezkuntzako ikasle eta irakasleak oinez joan ziren, eta Haur Hezkuntzakoak berriz autobusean igo ziren. Eguraldiak ez zigun lagundu ordea, eta pentsatzen genuena baino lehenago euria egiten hasi zuen. Gauzak horrela, planak aldatu eta ailetu bezain abudo itzuli egin behar izan genuen, denak autobusean kasu honetan. Hala ere, oinez joan zirenek paseo polit batetaz gozatu ahal izan zuten, eta argazki batzuk ere egin ahal izan genituen. Ea datorren ikasturtean zorte hobea dugun…
ARGAZKIAK
“TREN TXIKITO” ERAKUSKETA
Irailaren 13tik 20ra Kultur Etxean “Tren Txikito”ri buruzko erakusketa egon da. Eskolako talde desberdinek bisita egin dute egun eta ordu desberdinetan eta aunitz gustatu zaie, batez ere mugitzen ziren trenekin zegoen maketatxoa.
ARGAZKIAK
ZINEMALDIA 2016
Pasa den irailaren 16an eskolako Lehen Hezkuntzako ikasleak urtero bezala Donostiako Zinemaldian egon ziren. Hain zuzen ere “ALBERT” izeneko pelikula ikusi zuten Anoetako Belodromoan. Aurten ere, eguraldiak lagundu ez zuenez, horren ondotik Berara egin zuten buelta, hondartzatik pasatu gabe.