Ricardo Baroja Eskola

Azaroaren 25a, emakumeen kontrako mota guztietako indarkeria gaitzesteaz gain, indarkeria sortzen duten agente eta egitura guztiak gaitzesteko eta aski dela esateko egun bat da. Emakumea izateagatik soilik indarkeria jasateko aukera txikiena dagoen bitartean, gure gizartean ez dugu bakea edo normalizazioa lortuko. Eskolan ere, egun horretan eta urteko egun guztietan mota guztietako bortizkerien kontra aritzen garen arren, bereziki emakumea izateagatik pairatzen den bortizkeriaren kontra aritzeko konpromiso irmoa dugu.

Euskaraldia ailegatu da Ricardo Baroja eskolara.

Euskara ulertzen duten hiztunen arteko hizkuntza ohiturak aldatzeko ariketa soziala da Euskaraldia, gizartearen gune guztietara zabaldua eta denborari dagokionez mugatua. Euskaraldiaren helburu nagusia herritarren hizkuntza ohiturak aldatuta euskararen erabilera handitzea da. 2020an, azaroaren 20tik abenduaren 4ra egingo dugu ariketa eta aurten, norbanako bezala (ahobizi edo belarriprest izanez), parte hartzeko aukeraz gain, taldean parte hartzeko aukera ere izango dugu arigune–en bidez.