Aurtengo ikasturte honetan zehar ere, 3.zikloko ikasleek, San Jose Zahar-Etxera hainbat bisita egin ditugu. Ikasturtea bukatzeko haiek gurera etorri ziren hamaiketako hartzera. Jantokian hamaiketako ederrak prestatu zituzten eta ederki ibili ginen guztiok.
Euskaraldiaren 4. edizioa 2025ean egingo da. Aurreko hiruak ez bezala, udaberrian izango da, maiatzaren 15etik 25era.
Euskaraldia euskara ulertzen duten hiztunen hizkuntza-ohiturak aldatzeko mugimendu soziala da, Euskal Herri osoan eragiteko sortua. Mugimenduak herritarren hizkuntza-praktikak aktibatu eta euskararen erabilera handitu nahi du, eguneroko harremanetan euskara lehenetsiz eta 11 eguneko praktika sozial masibo bateratu baten bidez.
Ricardo Baroja eskola osatzen dugun irakasle, guraso, ikasle eta eskolako beste langileak ere ekimen honetan gogotsu parte hartuko dugu.
Aurten liburuaren eguna jai eguna izan bazen ere, merezi duen tartea eskaini eta gustura ospatu genuen. Goizean goiz eskolako ikasle zaharrenek, gazteenei ipuinak kontatzen aritu ginen. Ondoren eta elkarlanean izokin ederrak margotu genituen, eskolako leihoetan ikusgai dituzue gainera. Jolas ordu ondoren zikloka ekintza ezberdinak egin eta goiza bukatzeko, eta eskolako ikasle eta irakasle guztiek, zenbait irakasleren “Jokin ta Izokin” antzezlan bikainaz gozatu genuen. Ederra goiza.