Azken hilabeteetan 3. zikloko ikasleak hainbat aldiz Zahar Etxera joan izan gara bertan bizi direnen bizimodua ezagutzera. Oso hartu eman polita sortu da haur eta zaharren artean. Azkeneko asteetan, gainera, eskolara hamaiketakoa hartzera ere gonbidatu ditugu.
Bigarren hiruhilekoan hasi ta hirugarren honetan bukaera emanen diogu eskolako 3. mailatik 6. mailara antolatutako Xake Txapelketari. Antolatzaileak 6. mailako hainbat ikasle izan dira. Asteazkenero eskolako liburutegian elkartu dira jokalariak baina hemendik aitzinera, azken fasea jokatzeko, eskolako patioan arituko dira. Eskerrik asko antolatzaileei eta parte hartzeleei.
Apirilaren 5ean, Aste Santuko oporren bezperan, 6. mailako ikasleek Olinpiadak antolatu zituzten eskolako 3. mailatik 6. mailara bitarteko ikasleentzat, eta jolasak Haur Hezkuntza eta Lehen Zikloko ikasleentzat. Bukatzeko gelaka, diploma bana banatu zitzaien euren parte hartzea eta kiroltasuna eskertzeko. Primeran pasatu zuten denek.
Apirilaren 4ean, 3. eta 4. mailako ikasleak Ibardinera joan ginen oinez. Ibardinetik Erentzun parajera igo ginen eta bertan Asier Gogorzaren “hariztia” ikusi genuen. Hortik, Gartzin mendira joan ginen eta mendia zeharkatzen duen bunkerrean sartu ginen.
Eguraldiak lagundu zigun eta egun polita pasatu genuen.
Pasa den asteazkenean, martxoak 1, hirugarren zikloko ikasle eta irakasleak haritzak landatzera joan ginen, Idoiako lepo ingurura. Ekintza hau Berako udalak, Rural Kutxarekin batera, antolatu zuen. Aurreko egunean, Mikel Leizak naturarekiko errespetuari buruzko saio teorikoa eskaini zigun.
Eguraldia lagun, aktibitatea arrakasta handiz burutu genuen.